Búginde jeńil aqsha tabý úshin temir-tersek qabyldaý pýnktterine ótkizý beleń alýda. Sol sebepti oblys ortalyǵynda beti ashyq qalǵan qudyqtar kóbeıip keledi. Mundaı keleńsiz kórinis burynnan bar. Tótenshe jaǵdaılardyń alyn alý úshin elimizde 8 qańtardan bastap «Qaýipsiz qala» aksııasy bastaý aldy. Aksııaǵa belsene qatysqan kókshetaýlyq jastar bir aptanyń ishinde ashyq qalǵan qudyqtardyń 300-iniń jabylýyna sebepshi boldy.
– Biz osyndaı qudyqtardyń birnesheýin taptyq. Osy faktiler boıynsha qala ákimine, «Qazaqtelekom», «Kókshetaý sý arnasy» jáne «Kókshetaý jylý» mekemelerine arnaıy hat jazdyq, – deıdi Jas Otan Jastar qanaty oblystyq fılıalynyń tóraǵasy Sultanbek Bekishev.
Eriktilerdiń aıtýynsha, ashyq qalǵan qudyqtardyń deni «Avtoqalashyq» pen «Shanhaı» yqsham aýdandarynda. Keı tusta beti ashyq qudyqtardy qala turǵyndary kórip, ózderi tıisti mekemelerge habar berip jatady.
– Ashyq qudyqtardy tezirek jabý kerek. О́te qaýipti. Osy mańda balalarymyz ben nemerelerimiz júredi. Jas Otan Jastar qanatyna alǵysymyz sheksiz. Osyndaı ispen odan ári de aınalyssa, biz olarǵa kómektesýge ázirmiz, – deıdi qala turǵyny Alma Sádýaqasova.
Jas Otan Jastar qanaty men «Fenıks» eriktiler ortalyǵy birigip aldaǵy ýaqytta «Áleýmettik patrýl» qadaǵalaý jobasyn iske asyrýdy qolǵa almaq.
KО́KShETAÝ
