Qoǵam • 20 Qańtar, 2020

Qazaqstanda óndiristik jaraqattaný 8,8%-ǵa tómendedi

34 ret kórsetildi

2019 jyldyń qorytyndysy boıynsha respýblıka kásiporyndarynda 1 257 jazataıym oqıǵa boldy, sonyń saldarynan 1 430 adam zardap shekti, bul 2018 jylǵy kórsetkishten 8,8%-ǵa tómen (2018 jyly – 1 568 adam), onyń ishinde 180 adam qaza tapqan, bul 2018 jylǵa qaraǵanda 17,6% - ǵa tómen (2018 jyly-220 adam). Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.

Ekonomıka salalary bólinisinde zardap shekkenderdiń eń kóp sany taý-ken metallýrgııa kesheni kásiporyndarynda – 244 nemese 17,1% jáne qurylys salasynda – 176 nemese 12,3% baıqalady.

О́ndiristik jaraqattanýdyń joǵary deńgeıi Shyǵys Qazaqstan (zardap shekkender 212 adam), Qaraǵandy (189 adam), Pavlodar (117 adam), Qostanaı (114 adam) oblystarynda jáne Almaty qalasynda (111 adam) saqtalýda.

Eńbekti qorǵaý salasynda eń jıi jol beriletin buzýshylyqtar: qaýipsiz eńbek jaǵdaılaryn qamtamasyz etpeý – 14,9% (353); qyzmetkerlerge oqytý men nusqama júrgizbeý – 14,3% (340); jeke jáne ujymdyq qorǵaný quraldarymen, arnaıy kıimmen jáne arnaıy aıaq kıimmen qamtamasyz etpeý – 10,1% (238).

Jazataıym oqıǵalardyń kópshiligi mynalarǵa baılanysty boldy: qozǵalatyn, aınalatyn zattardyń áseri (199 nemese 13,9%); zardap shegýshiniń bıiktikten qulaýy (171 nemese 11,9%); zattardyń, materıaldardyń qulaýy, qulaýy (152 nemese 10,6%).

2019 jyly memlekettik eńbek ınspektorlary 9 536 tekserý júrgizip, 2 366 buzýshylyq anyqtaldy. Jumys berýshilerge eńbek qaýipsizdigi jáne eńbekti qorǵaý salasyndaǵy buzýshylyqtardy joıý týraly 480 uıǵarym berilip, 25,6 mln teńgege 203 ákimshilik aıyppul salyndy. Zańdy jáne jeke tulǵalardyń eńbek qaýipsizdigi jáne eńbekti qorǵaý máseleleri boıynsha 879 ótinishi qaraldy,óndiristegi jazataıym oqıǵalarǵa 1 276 arnaıy tekserý júrgizildi.

Memlekettik eńbek ınspektorlarynyń ótinishi boıynsha jumys berýshiler qaýipsizdik pen eńbekti qorǵaý erejelerin buzǵany úshin kináli 610 laýazymdy adamdy jumystan bosatty. Qyzmetkerlerdiń ómiri men densaýlyǵyna naqty qaýip tónýine baılanysty 13 jabdyq, 2 óndiristik obektiniń jáne 7 uıymnyń qyzmetine tyıym salyndy.

1 242 is quqyq qorǵaý organdaryna berildi, olar boıynsha 207 qylmystyq is qozǵaldy.

Memlekettik organdar men jumys berýshiler qabyldaǵan eńbekti qorǵaý salasyndaǵy keshendi sharalar óndiristik jaraqattanýdy tómendetý boıynsha oń dınamıkany saqtaýǵa múmkindik berdi. Eńbek jaǵdaılary zııandy jumys oryndarynyń sanyn qysqartý úshin 2019 jyly 2 187 óndiristik obekt attestattaldy.

Respýblıka kásiporyndarynda 14 792 óndiristik keńes quryldy jáne jumys isteıdi, olardyń mindetterine óndiristik jaraqattanýdyń aldyn alý, sondaı-aq jumys oryndaryndaǵy eńbek jaǵdaıyna tekserý júrgizýdi uıymdastyrý kiredi.

Sońǵy jańalyqtar

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

«Qaırat» – qola júldeger

Aımaqtar • 06 Naýryz, 2021

Teńiz kenishinde 5 avtobýs otqa orandy

Aımaqtar • 06 Naýryz, 2021

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Uqsas jańalyqtar