Aımaqtardan jınalǵan múmkindigi shekteýli jastar 10 kún boıy Nur-Sultanda áleýmettik jarnama óndirisi boıynsha oqytýdan ótti. Jobanyń maqsaty - búkil Qazaqstandaǵy erekshe qajettilikke ıe jastardy oqytý arqyly áleýmettik jarnama óndirýshilerdiń aımaqtyq jelisin damytý. Medıa-joba aımaqtardaǵy túrli áleýmettik toptardyń qatynasy men ózara áreketi, ekologııa, bilim berý áleýmettik jeliler men sıfrlyq arnalar arqyly erekshe qajettilikke ıe balalar úshin jumys pen demalysqa nazar aýdarýǵa shaqyrady.
Elordada bolashaq medııashylar áleýmettik jarnamany jasaý men ony ǵalamtor jelisinde taratýdyń qyr-syryn meńgerýdi úırendi. Oqý aıaqtalǵan soń, jattyqtyrýshylar jarty jyl boıy mektep túlekterine konsýltasııa berýlerin jalǵastyrady dep kútilýde. Joba uıymdastyrýshylary aımaqtardaǵy jastarǵa óz bilimderin júıeli berý úshin jobanyń 10 tabysty qatysýshylaryn oqytýǵa nıetti.
Eske sala keteıik, daryndy jastardy irikteý 2019 jyly 8-9 qarashada Aqtaý qalasynda bastaldy. Odan soń medıa-jattyqtyrýshylar Atyraý men Petropavl qalalaryna attanǵan bolatyn. Sonyń nátıjesi boıynsha Qazaqstannyń batys jáne soltústik aımaqtarynan irikteýden ótken 15-30 jastaǵy erekshe qajettilikke ıe 20 qatysýshy jobanyń ekinshi kezeńine Nur-Sultanǵa keldi.
