Onda Qazaqstanda qıyn ómirlik jaǵdaıǵa túsken balalar men otbasylar úshin kórsetiletin qyzmetterdi damytý salasyndaǵy reformalar jáne medısınalyq-áleýmettik esepti sátti júzege asyrý boıynsha praktıkalyq sharalar talqylandy. Zań depýtattarmen usynylǵan jáne Memleket basshysy 2019 jylǵy 1 sáýirde oǵan qol qoıǵan.
Zań Qylmystyq, Qylmystyq-prosestik, Azamattyq prosestik kodeksterine, Ákimshilik quqyq buzýshylyqtar týraly, Halyq densaýlyǵy men densaýlyq saqtaý júıesi týraly, Neke jáne otbasy týraly kodeksterine túzetýler engizdi. Bul zań «medısınalyq-áleýmettik esep» atty balalardy qorǵaý júıesiniń jańa tetigin bekitti. Ol qıyn ómirlik jaǵdaıdaǵy balalarǵa medısınalyq, psıhologııalyq, áleýmettik, beıimdeýshilik jáne reabılıtasııalyq kómekti kórsetý úshin jergilikti atqarýshy organdarymen júrgiziledi.
Kezdesý barysynda Komıtet tóraǵasy Nurlan Ábdirov BUU (IýNISEF) Balalar qoryna jáne Ulybrıtanııa Elshiligine zań shyǵarý barysynda depýtattarǵa kórsetiletin kómek úshin alǵysyn aıta otyryp, zańnamany jetildirýde odan ári yntymaqtystyqqa úmitin bildirdi. Komıtet hatshysy Svetlana Bychkova zańdy júzege asyrý monıtorıngi barysynda anyqtalǵan jáne sheshýge tıisti máseleler týraly habarlady.
Kezdesý qatysýshylary arnaıy áleýmettik qyzmetterdi kórsetý salasyndaǵy mamandardyń únemi kásibı daıyndyǵyn oqý oryndary nemese ár salalyq mınıstrlikte oqytý arqyly qamtamasyz etý, kórsetiletin qyzmetterdiń sapasyna monıtorıng jáne tekserý tetikterin engizý, árbir mınıstrlikte áleýmettik qyzmetter týraly derekterdi basqarý júıesin damytý mańyzdylyǵyn atap ótti.
