foto: ashyq derekkóz
Qalalyq sottyń baspasóz qyzmetiniń habarlaýynsha, is materıaldaryna sáıkes, talap qoıýshyǵa jalpy aýmaǵy 0,1900 gektar jer ýchaskesi tıesili bolǵan. Shymkent qalasy ákimdiginiń qaýlysy negizinde atalǵan jer memleket muqtajy úshin ótemaqy tóleý arqyly alynýy tıis dep belgilengen. Alaıda jergilikti atqarýshy organ ýchaskeniń qunyn 46 mln teńge dep baǵalaǵan. Jer ıesi bul baǵamen kelispegen.
Reıske kirgizbegen: Air Astana jolaýshyǵa 500 myń teńge ótemaqy tóleýge mindetteldi
Keıin ákimdik jerdi memleket muqtajy úshin satyp alyp, májbúrlep ıelikten shyǵarý týraly talappen sotqa júgingenimen, talap-aryzyn keri qaıtaryp alǵan.
Soǵan qaramastan, ákimdik qaýlysy negizinde jer ýchaskesi alynyp, onyń ornyna avtomobıl joly salynǵan, alaıda jer ıesine ótemaqy tólenbegen.
Sot barysynda júrgizilgen qurylys-taýartaný saraptamasynyń qorytyndysyna sáıkes, atalǵan jer ýchaskesiniń naryqtyq quny 83 mln teńgeden asatyny anyqtalǵan.
Qarashyǵanaq daýy: Qazaqstan 4 mlrd dollarǵa deıin ótemaqy óndirýi múmkin
Nátıjesinde sot talapty qanaǵattandyryp, Shymkent qalasynyń jer qatynastary basqarmasyna talap qoıýshyǵa 83 419 500 teńge kóleminde ótemaqy tóleýdi mindettedi.
Aıta keteıik, sot sheshimi apellıasııalyq satyda da qaralyp, zańdy kúshine engen.
