Jyl basynan beri elimizde qyzylsha juqtyrý deregi boıynsha 4 184 jaǵdaı tirkelgen. Aýrý juqtyrǵandardyń − 83,8%-yn 14 jasqa deıingi balalar qurap otyr. О́tken aptada qyzylsha juqtyrǵandar kórsetkishi aldyńǵy kezeńmen salystyrǵanda 1,3 esege artqan.
Ony juqtyrǵandardyń 77%-y ekpe almaǵandar ekeni anyqtaldy. Al ekpe saldyrmaý jaǵdaıynyń 55%-ynda ata-analar ekpe ektirýden erikti túrde bas tartqan.
Qyzylshaǵa qarsy ekpe medısına qyzmetkerlerine de salynatyn boldy
«Qazir elimizde ınfeksııa oshaqtaryn oqshaýlaý jáne onyń taralýyn boldyrmaý maqsatynda aýqymdy epıdemııaǵa qarsy is-sharalar júrgizilip jatyr. Balalardy josparly jáne qosymsha vaksınasııalaý toqtaǵan joq. Aýrý oshaǵynda baılanysta bolǵan adamdarǵa shuǵyl vaksınasııalaý júrgiziledi. Sondaı-aq baılanysta bolǵan adamdarǵa 21 táýlik boıy kúndelikti medısınalyq baqylaý uıymdastyrylǵan. Al balabaqshalarda qyzylsha jaǵdaılary tirkelgen kezde ekpe almaǵan balalar ýaqytsha balabaqshaǵa kelýine ruqsat etilmeıdi», delingen mınıstrlik taratqan habarlamada.
Qyzylsha juqtyrǵan balalar kóbeıgen: Dárigerler ata-analarǵa úndeý jasady
Immýnoprofılaktıka máseleleri jónindegi Respýblıkalyq shtab otyrystarynda aýmaqtyq densaýlyq saqtaý departamentteri basshylarynyń esepteri qaralyp, Jambyl oblysynyń Sanıtarııalyq-epıdemıologııalyq baqylaý departamentiniń bastamasymen ımmýndyq preparattardy satyp alýǵa qosymsha qarajat bólindi.
Qyzylsha tirkelgen mektepterge vaksına almaǵan balalar jiberilmeıdi
Aıta keteıik, mınıstrlik sońǵy 8 jyldyń ishinde elde ekpeden bas tartý jaǵdaılary 4,8 esege artqanyn, bul úrdis ujymdyq ımmýnıtettiń tómendeýine tikeleı áser etip, jaǵdaıdy tolyq turaqtandyrýǵa kedergi keltirip otyrǵanyn málimdedi.
