Ásirese jeke sektor turǵysy­nan alǵanda tyń serpin bermek. Máse­len kadrlyq rezervke engen jas­tar­dyń 30 paıyzǵa jýyǵy jeke sek­torda, halyqaralyq kompanııa­larda jumys istegen nemese áli kúnge deıin sonda jumys isteıdi. Al­­da-jalda olar memlekettik qyz­metke kelip jatsa, tájirıbesi men biliktiligin elimizdiń erteńine jumsap, halqymyzdyń bolashaǵy jolynda ter tókpek.

Al jastarǵa kelsek, baǵdarla­manyń olarǵa da paıdaly ekeni anyq. Iаǵnı biz jeke ıdeıalarymyzdy usynyp, tájirıbemizben bólisýge zor múmkindik aldyq. Sondaı-aq bastamany «áleýmettik lıft» retinde de qarastyrýǵa bolady. Joǵary laýazymǵa jetý úshin memlekettik qyzmette eńbek ótili qajet. Al kadrlyq rezerv arqyly birden basqarýshylyq laýazymǵa taǵaıyndalýǵa jaǵdaı jasalǵan. Osy arqyly salaǵa qandaı da bir ózgeris engizýge múmkindik týady. Bul rezervke engen jastardyń aldaǵy jumys mansabyna oń yqpal etetini anyq.

Prezıdenttiń kadrlyq rezer­vi­ne synaq barysy alty kezeńnen turdy. Onyń tórteýi onlaın re­jimde júrgizildi. Ekeýinde sarap­shylarmen betpe-bet kezdesip, áńgimelestik. Bul – buryn-sońdy bolmaǵan tájirıbe dep oılaımyn. О́ıtkeni Memlekettik bas­qarý akademııasy, sondaı-aq Talantiz, SHL degen dúnıejúzine málim kompanııalardyń jınaǵan ádistemesin paıdalanyp, osyndaı obektıvti túrde baǵalaý óte tıimdi bolǵany anyq. Synaq ke­zin­de men úshin SHL tarapynan ázir­lengen suraqtar ońaıǵa soqq­an ­joq. О́ıtkeni olarǵa muqııat ázir­lený qajet. Sonymen qatar bir mınýt ishinde suraqqa jaýap berý de jeńil tapsyrma emes. Alaıda osyndaı qıyndyqqa qaramastan, bárin sátti tapsyryp shyqtym.

О́tken aptada rezervke engen jastar Memleket basshysy Qasym-Jomart Toqaevpen kez­desti. Atalǵan jıynnan kóp nárse túıip shyqtym. Máselen Pre­zıdentimiz «Búgingi jas býynnyń, sonyń ishinde sizder de bılikke keletin ýaqyt alys emes. Sizder memleketti basqarý tizginin alýǵa daıyn bolyp, tıisti bilim men bilikti meńgerýlerińiz qajet. Jastarymyz el damýynyń jańa tarıhı kezeńine daıyn bolýy kerek. Bilim men bilik órshildik­ten bıik turýy tıis. Jańarý úderi­si – ishki saıasattaǵy basym baǵyttardyń biri. Kadr rezervin jasaqtaý jumystary munymen toqtap qalmaıdy, jalǵasa beredi. Onyń qataryna yntaly jáne laıyqty jastar kiredi. Aldaǵy kezeńde HHI ǵasyrdyń tabys­ty memleketin qurýǵa daıyn kásip­kerlerdiń, ǵalymdardyń, mádenıet qaıratkerleriniń, ınno­vatorlardyń jáne basqa da talantty jastardyń jańa býynyna belsendi qoldaý kórsetemiz. Túr­li salaǵa jaýapkershilikti alýdan, qalyptan tys jáne tıimdi she­shimder qabyldaýdan qoryq­paıtyn jańa formasııadaǵy bas­qar­ýshylar toby qajet», dedi.

Memleket basshysynyń sózinen túıgenim, Prezıdenttiń kadrlyq re­zervi jobasy bir rettik qana j­oba emes. Jalpy búkil saıası jú­ıeni, memlekettik qyzmetti óz­ger­­t­etin jobalardyń legi ǵana. On­­daı ózgerister áli de bolady. Bul – ózgeristerdiń basy ǵana. Son­­d­yqtan osyndaı ózgeristerdiń bol­­ǵanyn, reformalar jasaýdy qol­­daı­myn. О́ıtkeni rezervke engen jas­tardyń árqaısy óz sala­laryn­da qandaı da bir ıdeıalar men óz­gerister engizýge septigin tıgizedi.

Jalpy, zamandastaryma aıtatyn keńesim bar. Osyndaı «áleý­mettik lıfti» sanalatyn joba­lardyń sany jyldan-jylǵa artyp keledi. Iаǵnı jastar­da qazirgi zamanda óte kóp múmkin­dik bar. Solar­dy jiberip almaýǵa keńes be­remin. Kez kelgen joba­ǵa qa­ty­syp, óz kúshińizdi synaǵy­ńyz kelse, biliktiligińiz ben bili­mi­ńiz­di baıqap kórýdi kózdeseńiz, joba­larǵa mindetti túrde qatysý kerek. Mundaı qadam sizge jaqsy áser tıgizetini anyq. Tipti irikteý­den óte almasańyz da, kókjıegińiz keńeıedi.

Memleket basshysy jastarmen kezdesýinde «Abaıdyń «Tolyq adam» tujyrymy ómirimizdiń kez kel­gen salasynda, memleketti bas­qarý men bilim júıesinde, bız­nes pen otbasy ınstıtýttaryn­da negizgi tuǵyrǵa aınalýy kerek. Munyń bári ıntellektýaldy ult qalyptastyrý úshin qajet. Abaı­dy óz zamanyndaǵy iskerlik­tiń uıyt­qysy deýge bolady. Biz eldik múd­dege qatysty árbir isimiz­de uly aqynnyń eńbekterine júginýi­miz kerek. Bul – jańǵyrý jolyn­daǵy asa mańyzdy qadam. Halqy­myz, ási­rese, jas býyn Abaıdyń sara jo­lyn jalǵaýǵa basa mán berýi tıis» dep atap kórsetti. En­deshe, adam kapıtalyn damytýǵa arnal­ǵan osyndaı múmkindikterdiń jasalǵany óte mańyzdy ári jaqsy úrdis.

Oljas SÁKENOV,

Prezıdenttik jastar kadr rezervi múshesi, BTS Education kompanııasynyń konsýltanty