Aımaqtar • 22 Qańtar, 2020

Qylqalamnyń ushyndaǵy Býrabaı

25 ret kórsetildi

Oblys ortalyǵyndaǵy ádebıet jáne óner mýzeıinde halyqaralyq  sýretshilerdiń «Býrabaı ańyzdary» atty kórkemsýret kórmesi ótkizildi.

Býrabaı baýraıynda ótken «Qazaqstan. A la Prima» halyqaralyq sýretshiler forýmy aıasynda shetel sýretshileri salǵan óner týyndylary kórmege jınalǵan kópshilik nazaryna usynyldy. Kórmege álemniń 10 memleketiniń eń myqty qylqalam sheberleriniń eńbekteri qoıylǵan. Barlyq sýretterde kórse kózdiń jaýyn alatyn Býrabaı ólkesin beınelegen. Forým   aıasynda salynǵan qundy týyndylar bul kúni Ádebıet jáne óner mýzeıiniń altyn qorynda saqtalǵan.

–О́tken jyly Býrabaıda ótken sýretshiler forýmynda salynǵan  sýretterdiń barlyǵyn oblys basshylyǵy bizdiń mýzeıge syılaǵan. Mine, sol sýretterden qala turǵyndaryna arnap osyndaı kórme uıymdastyrdyq. Bul jerde álemniń 10 myqty sýretshisiniń 40-qa tarta óner  týyndylary qoıylǵan, deıdi oblystyq ádebıet jáne óner mýzeıiniń ǵylymı qyzmetkeri Nurbolat Álmenov.

Týǵan jerdiń tamasha beınesi aqmolalyqtar úshin tańsyq emes, áıtse de sheber qolmen móldiretip salynǵan sýretter kórgen jannyń kókiregine bir jyly sáýle quıady eken.

–Bul sýretshilerdiń barlyǵy myqty. О́z baǵytyn qapysyz qalyptastyrǵan qylqalam sheberleri. Sýretterdiń salynýy bólek, kompozısııasy da ár túrli. Biraq, bir qýantarlyǵy ár sýretshi bizdiń  ólkeden keremet shabyt alyp, osyndaı tamasha óner týyndysyn salyp shyqty. Olar qarapaıym qylqalamnyń kúshimen-aq osy jerdiń baılyǵyn, sulýlyǵyn barynsha ashyp sıpattaǵan. Sýretterdiń ózi sóılep tur, deıdi oblystyq sýretshiler odaǵynyń tóraǵasy Iýrıı Popov.

Ádebıet jáne óner mýzeıi óńirdegi tanymal sýretshilermen qatar, tanymal qolóner sheberleriniń, músinshiler jáne fotograftardyń kórmelerin  dúrkin-dúrkin ótkizip, qala turǵyndarynyń rýhanı ómirine mol úles qosyp keledi.

Sońǵy jańalyqtar

Ulttyq úrdister úzilmeıdi

Qazaqstan • Keshe

Mereıimizdi ósirgen megajoba

Rýhanııat • Keshe

Pnevmonııadan 5 adam qaıtys boldy

Koronavırýs • Keshe

Kıik múıiziniń 293 danasy tárkilendi

Oqıǵa • 10 Sáýir, 2021

Ortalyq memlekettik arhıvke jańa basshy keldi

Taǵaıyndaý • 10 Sáýir, 2021

Pnevmonııadan 1 naýqas qaıtys boldy

Koronavırýs • 10 Sáýir, 2021

Uqsas jańalyqtar