Mundaı format qazaqstandyqtarǵa elimizdiń kez kelgen jerinen jáne kez kelgen ýaqytta qyzmetterdi alýǵa múmkindik beredi. Ol úshin mobıldi azamattar bazasynda tirkelý jáne 3 kún ishinde alǵashqy habarlamaǵa jaýap berý qajet. Bul rette azamatarǵa qyzmet alý úshin memlekettik organdarǵa júginý qajet emes. Proseske memleket bastamashylyq etedi.
«Meniń oıymsha, qazir bizdiń qyzmetimizdi osyndaı formatqa kóshirý kerek, óıtkeni biz – áleýmettik mınıstrlikpiz. Memleket azamattar úshin jumys isteýge, óz qyzmetterin usynýǵa tıis. Sondyqtan qazaqstandyqtar qujattardy jınaýǵa, saparlarǵa jáne kútýge ýaqyt pen aqsha jumsamaýy úshin olarǵa qyzmet kórsetýge suraý salynǵan qarapaıym SMS-habarlamalar jiberemiz. Eger azamat 3 kún ishinde jaýap berse, ol jedel túrde kórsetiledi. Bul yńǵaıly: qaı jerde ornalasqanyńyz mańyzdy emes, jaı ǵana SMS-ke jaýap berýge bolady» dep jańashyldyqqa túsinikteme berdi vıse-mınıstr Narıman Muqyshev.
Buryn múgedektik boıynsha járdemaqy men múgedektikke baılanysty áleýmettik tólemderdi taǵaıyndaý qyzmetin HQKO jáne Eńbek, áleýmettik qorǵaý jáne kóshi-qon komıtetiniń aýmaqtyq bólimshelerine habarlasý arqyly alýǵa bolatyn. Sonymen birge, eki qyzmet te egov.kz portalynda qoljetimdi.
Eske salaıyq, «Sıfrlyq Qazaqstan» baǵdarlamasy aıasynda Qazaqstan Respýblıkasynyń Úkimeti memlekettik qyzmetterdi elektrondyq formatqa aýystyrý boıynsha jumys júrgizýde. 2019 jyldyń qorytyndysy boıynsha vedomstvo qyzmetiniń 80%-y elektrondyq formatta kórsetiledi.
