Memlekettik qyzmet isteri agenttiginiń Soltústik Qazaqstan oblysy boıynsha departamenti halyqqa kórsetiletin memlekettikqyzmetterdi sandyq túrde alýdy nasıhattaý boıynsha aýqymdy jumystar júrgizýde. Oqytý-túsindirý semınarlarymen, aqparattyq dáristermen oblystaǵy barlyq aýyldyq okrýgter, eńbek ujymdarynyń qyzmetkerleri jáne barlyq stýdentter men oqýshylar qamtyldy. Sonyń ishinde oblys ákimdigi men «Azamattarǵa arnalǵan úkimet» Memlekettik korporasııanyń fılıalymen birlesip ázirlengen «Jelilik keste» aıasynda 825, ózine-ózi qyzmet kórsetý buryshtarynda 61 169 oqytý júrgizildi. Sharalar barysynda 78 myńnan astam memlekettik qyzmetterdi elektrondy nysanda alý daǵdylaryna úıretetin, qyzmet alýshylardyń quqyqtaryn túsindiretin paraqshalar men broshıýralar taratyldy.
Oblystyq telearnalarda memlekettik qyzmet kórsetetin mekemeler basshylarynyń 29 suhbaty men brıfıngteri, buqaralyq aqparat kuraldarynyń betterinde shamamen eki júz jarııalanym jaryq kórdi. Sonymen qatar óńirdiń halyq kóp shoǵyrlanǵan kóshelerinde, barlyq aýdandarda aqparattyq saýattylyqty arttyrýǵa baǵyttalǵan 67 taqyryptyq bannerler ornatylǵandyǵy osy jumystyń nátıjeli bolýyna úlesin qosty.
Memlekettik apparat turǵyndardyń qajettilikterine saı ári qoljetimdi bolýy kerek. Osy maqsatty kózdep uıymdastyrylǵan jármeńkeler kópshilik kóńilinen shyqty deýge bolady. Olar – turǵyndarǵa memlekettik qyzmet kórsetý boıynsha keńes berý, qoljetimdilikti damytý jáne «Elektrondy úkimet» portaly arqyly kórsetiletin qyzmetter týraly aqparattar berdi. 2019 jyly osyndaı 82 jármeńke uıymdastyrylyp, alty myńnan astam oblys turǵyny qamtyldy.
Elektrondy túrde kórsetiletin qyzmetterdiń úlesin arttyrýda elektrondy-sıfrlyq qolqoıýdyń bolýy jáne ony qoldana bilýdiń mańyzy zor. Osyǵan oraı departament ústimizdegi jyly «Elektrondy-sıfrlyq qol qoıý – árbir adamǵa» aksııasyn iske qosty. Atalmysh aksııa M.Qozybaev atyndaǵy Soltústik Qazaqstan memlekettik ýnıversıtetinde jáne óńirimizdegi barlyq kolledjderde ótip, qajetti aqparattar men bilim ordalarynyń 10 myńǵa jýyq stýdenti men oqytýshysy qamtyldy.
Mektep oqýshylary úshin elektrondy qyzmetterdiń tıimdiligin túsindirý jáne olardy ár túrli tásilder arqyly alýǵa úıretýge baǵyttalǵan oqytýlar júrgizildi. Petropavl qalasy men barlyq aýdandarda ótkizilgen osyndaı 137 sharaǵa shamamen bes myń jasóspirim qatystyryldy. «Telegram bot», «E-gov mobile», «Digital agent» mobıldik qosymshalary jastar arasynda erekshe qyzyǵýshylyq týdyrdy.
Aıta ketetin bolsaq, oblystaǵy memlekettik qyzmetter kórsetetin ǵımarattarda, barlyq mektepter men kolledjderde, densaýlyq saqtaý mekemelerinde 680 «О́zine-ózi qyzmet kórsetý buryshtary» ornatylǵan. Osy buryshtardaǵy úıretýler paıdaly bolyp, qyzmet alýshylar jeke ýaqyttaryn únemdedi.
Qoǵammen ózara baılanys ornatýdyń joǵaryda kórsetilgen ádis -tásilderiniń tıimdiligi tájirıbe arqyly dáleldenip otyr. Sondyqtan elektrondy qyzmetterdi tutynýshylyrdyń úlesin kóbeıtý, kórsetiletin qyzmetterdiń sanyn arttyrý baǵyttarynda jumystar jalǵasyn tabady.
Indıra BAJENOVA,
Memlekettik qyzmet isteri agenttigi
Soltústik Qazaqstan oblysy
departamentiniń bas mamany
