Atap aıtar bolsaq, sheteldiń nómerimen júrgen kólikter týraly aqparat alý qıyn. Bul Ishki ister mınıstrliginiń jumysyn qıyndatady. Mınıstrlik aqparat azdyǵynan qajet jaǵdaıda jyldam ári tıisti sharalar qoldana almaıdy. Sonymen birge jol erejesine qatysty zań buzýshylyq 2019 jyly 3,5 esege ósip otyr. Iаǵnı, sheteldik kólikterdiń zań buzý faktileri byltyr 27 myńnan 90 myńǵa jetken. Oǵan qosa barlyq zań buzýshylyqtyń 12 paıyzyn quraıdy. Bul kólikterdi tirkeýden ótkizýge taǵy bir sebep.
Memleket basshysy Úkimettiń keńeıtilgen otyrysynda elimizdegi shetelden ákelingen kólikterdi tirkeýge ýaqyt beriletinin habarlady. Bul júrgizýshilerge jasalǵan jaqsy múmkindik. 1 jyl qajet tólemderin tólep, tirkeýden ótkizýge jetýi kerek. Al buǵan deıingi ereje boıynsha kólikti 10 kún ishinde tirkeýi kerek edi. Alaıda kórip otyrǵanymyzdaı, kólik ıeleri salǵyrttyq tanytqan. Oǵan memleket terrıtorııasyna kirgen 200 myńǵa jýyq kóliktiń 40 myńy ǵana tirkeýden ótkeni dálel. Sonymen birge Prezıdent tıisti atqarýshy organdarǵa shetelden kólik ákelý retin júıelendirýdi tapsyrdy.
Bekjan SADYQOV,
Prezıdent janyndaǵy Qazaqstan Strategııalyq zertteýler ınstıtýty áleýmettik-ekonomıkalyq zertteý bóliminiń jetekshi ǵylymı qyzmetkeri
