Keshe biz aldymen áıelin, sosyn eki qyzyn óltirip, sońynan ózi ormanǵa baryp asylyp qalǵan erkek týraly jazǵan edik. Búgin osyǵan qatysty qosymsha derekter belgili bolyp otyr.
Tengrinews.kz tilshisi habarlaǵandaı, Aqmola oblysynyń polıseıleri bul úsh jaqty kisi óltirý men ózin ózi óltirýdiń jaı-japsaryn tolyq anyqtap shyǵypty.
Ishki ister departamentiniń deregi boıynsha, 3 tamyz kúni saǵat 08-30 shamasynda Qorǵaljyn aýdanynyń Aryqty selosy mańynda Volkswagen Passat kóligi tabylady. Onyń salonynan 2006 jáne 2009 jyldary týǵan eki kishkentaı qyz balanyń máıitteri shyǵady. Al kóliktiń júk salǵyshynda jelkesinen úsh jerde jaraqaty bar áıeldiń denesi alynady. Bulardan 30 metrdeı jerde ilinip turǵan er kisi kezigedi.
Polısııa qyzmetkerleri bul otbasynyń Astana qalasynda turǵanyn, jazda balalardyń Aryqty selosyndaǵy ákesiniń ata-anasy qolyna keletinin anyqtady. Týǵan-týystary men áriptesteriniń sózine qaraǵanda, jubaılardyń arasy óte shıelenisti bolǵan. Budan buryn erkek qyzǵanyshtyń saldarynan úıinde birneshe ret janjal da shyǵarypty.
Ishki ister departamentiniń dereginshe, 2 tamyz kúni erkek áıelin jumysynan alyp shyǵyp, Aryqty selosynda turatyn ata-anasyna kelgen. Osy jerde balalaryn alyp shyqqan. Jedel-izdestýri sharalary barysynda máshıneniń keshki 19 saǵat shamasynda Nura ózeni jaqqa qaraı bara jatqanyn kórip qalǵan kýá tabyldy. Ol eki saǵatan keıin sol kóliktiń keri baǵytqa qaraı kele jatqanyn taǵy kórgen.
Qazir osyǵan baılanysty sot-medısına saraptamasy taǵaıyndaldy.
Qurysh Nurymbet.
