Oral qalasynda óńirge belgili azamat, jazýshy Alpamys Bekturǵanovqa búgin bılikke baǵynǵysy kelmedi degen aıyp taǵyldy. Bul týraly «Ýralskaıa nedelıa» habarlady.
Eske sala keteıik, 21 shilde kúni polısııa Oral áýejaıynda Oral-Astana baǵytynda ushqaly turǵan «KSS» JShS ujymy ózderiniń atynan bılikpen kelissóz júrgizýdi senip tapsyrǵan azamattardy qorǵaý jónindegi «Marhabat» qoǵamdyq uıymynyń tóraǵasy Alpamys Bekturǵanovty ushaqtan alyp qaldy.
Polısııa óziniń bul áreketin qoǵamdyq qyzmetkerdiń ýaqyty ótip ketken senimhat boıynsha kólik júrgizip júrgenimen baılanystyrdy. Al ustap qalý áreketiniń ózi Bekturǵanov pasporttyq baqylaýdan ótip, reıske tirkelip qoıǵannan keıin áýejaı termınalynda oryn aldy.
Al aıtýly azamat bul kúni «KSS» JShS-yna qatysty qarjy polısııasynyń zańsyz áreketter jasaýyna Batys Qazaqstan oblysynyń ákimi Nurlan Noǵaevtyń qatysy bar ekenin málimdemeýdi maqsat etken baspasóz máslıhatyn ótkizý úshin elordaǵa bara jatyr eken. Alaıda, Alpamystyń Astanaǵa arnaıy sapary osy jerde kilt úzildi.
Keshe A.Bekturǵanovqa polısııa qyzmetkerleriniń ókimderin qasaqana oryndamady degen aıyppen sotqa shaqyrý aıtylyp, onyń 5 tamyz kúni saǵat 16.00-de kelýi tapsyrylypty.
Al búgin A.Bekturǵanov sotta kútpegen jerden ózine qatysty aldyn ala tekserý jumystarynyń júrgizilgenin, ol boıynsha munyń ústinen qylmystyq is qozǵaýdan bas tartylǵanyn biledi. Sottaǵy tyńdaý kezinde kýá retinde shaqyrylǵan eki áıel quqyq qorǵaýshy Pavel Kochetkov qujattaryn kórsetýdi talap etken kezde zaldan shyǵyp, prosesten ketip qalady.
«Bul áý bastan polıseılerdiń zańsyz áreketterinen bastalǵan tirlik boldy», - deıdi qorǵaýshy.
Erteń A.Bekturǵanov osy is boıynsha ákimgershilik sotqa baratyn bolypty.
«Biz jaqyn arada BUU-ǵa shaǵym jasap, osyndaı zańsyz áreketterdiń oryn alyp jatqanyn jetkizemiz», - dedi P.Kochetkov.
Qurysh Nurymbet.
