Qazaqstan • 28 Qańtar, 2020

Almatyda «Sergek» kameralary 4,5 myń ereje buzý faktisin anyqtady

27 ret kórsetildi

Almatyda bıylǵy jyldyń alǵashqy 20 kúninde qylmys deńgeıi 38%-ǵa tómendegen. Quqyqbuzýshylyqtardy anyqtaýda beıne baqylaý qurylǵylarynyń  kómegi zor.  Bul týraly Almaty qalasynyń ákimi Baqytjan Saǵyntaev óziniń «Instagram»  paraqshasynda jazdy.

Qalada jańa jyldan bastap apparatty-baǵdarlamaly «Sergek» kesheniniń 400 beketi jumys jasaı bastady. Alǵashqy 22 kún ishinde olar 4,5 myńnan astam jol qozǵalysy erejesiniń buzylǵanyn tirkedi. Nátıjesinde osy kúnder ishinde JKO 11,6%-ǵa tómendegen.

Jalpy, ótken jyldyń osy kezeńimen salystyrǵanda qylmys 38%-ǵa qysqarǵan. Qoǵamdyq qaýipsizdikti qamtamasyz etý boıynsha jumystar odan ári jalǵasady, onyń ishinde joldar men qalalyqtar kóp jınalatyn jerlerde vıdeobaqylaý monıtorınginiń júıesi keńinen qoldanylatyn bolady.

«Aǵymdaǵy jyly «Sergektiń» qosymsha 360-tan astam beketin ornatýdy josparlaýdamyz. Ár jyl saıyn qoǵamdyq tártiptiń buzylýyn qadaǵalaıtyn avtomatty vıdeobaqylaý júıesiniń úlesi artatyn bolady», - dedi B. Saǵyntaev.

Eske salsaq 2019 jyldyń 5 shildesinde shahar basshysy qalanyń polısııa departamentiniń basshylyǵymen jáne jurtshylyqpen keńes ótkizgen edi. Polısııaǵa ýchaskelik ınspektorlar men patrýlderdiń jumystaryn qaıta qaraý, patrýldeý baǵyttaryn aýlalardan bastaý jóninde tapsyrmalalar berilgen edi. Sonymen birge, qylmysty aldyn alýdyń pármendi tetigi retinde beınebaqylaýdyń avtomatty júıelerin jetildirý isi basa nazarǵa alynǵan bolatyn.

О́tken jyldyń kúzinde barlyq aýdandarda barynsha krımınogendi ýchaskeler anyqtalyp, polısııanyń 23 mobıldi beketteri ornatyldy. Olarǵa 2424 adam júginip, nátıjesinde 300 ákimshilik is qozǵaldy, 956 ótinish boıynsha jedel sharalar qabyldandy. О́tinish jasaǵan 1167 adamǵa zańnamalyq kómek kórsetilgen.

Sońǵy jańalyqtar

Taraz qalasynda 135 otbasy baspanaly boldy

Aımaqtar • Búgin, 16:28

Jansaı Smaǵulov júldege talasady

Sport • Búgin, 15:43

Eldos Smetov kúmis aldy

Sport • Búgin, 13:03

«Qaırat» – qola júldeger

Aımaqtar • Búgin, 09:39

Teńiz kenishinde 5 avtobýs otqa orandy

Aımaqtar • Búgin, 09:27

Medbıkeniń munysy ne?

Aımaqtar • Keshe

Dollar arzandap keledi

Ekonomıka • Keshe

Uqsas jańalyqtar