О́ziniń kirispe sózinde ınstıtýttyń Basqarma tóraǵasy Baýyrjan Smaǵulov Memlekettik energetıkalyq tizilim sýbektileriniń kásiporyndarynda slovak tehnologııalaryn engizýge kómek kórsetýge daıyndyǵyn bildirdi. Búgingi tańda memlekettik energetıkalyq tizilim JIО́ energııa syıymdylyǵyn tómendetýge baǵyttalǵan basty tetik bolyp tabylady.
«Qazaqstannyń Strategııalyq josparynda elimizdiń JIО́-niń energııa syıymdylyǵyn 2025 jylǵa qaraı keminde 25%-ǵa tómendetý jónindegi mindet aıqyndaldy. Bul rette táýelsizdik kezeńinde JIО́ energııa syıymdylyǵy 56%-ǵa tómendese, bul kezeńde álemdik ekonomıkanyń energııa syıymdylyǵy 26%-ǵa tómendedi» dedi Baýyrjan Smaǵulov.
Qazaqstan ekonomıkasynyń damýymen energoresýrstarǵa degen qajettilik tek qana ósýde. Qazaqstandaǵy energııa resýrstaryn negizgi tutyný ónerkásip salasyna tıesili, elektr energııasynyń 67%-y iri ónerkásip tutynýshylaryna qatysty.
О́z kezeginde, tabıǵı jáne suıytylǵan gazda jumys isteıtin slovak tehnologııalary batys elderiniń kóptegen iri kásipornynda ózderiniń tıimdiligin is júzinde dáleldegen. Olar úlken ǵımarattarda temperatýra rejimin saqtaı alady. Qazirgi zamanǵy tehnologııalar elektr energııasyna jumsalatyn shyǵyndardy 50-den 70%-ǵa deıin únemdeýge múmkindik beredi, bul jobalardyń ótelý merzimderine oń áser etedi. Aldaǵy ýaqytta ortalyq óńirdi gazdandyrý jaıyn eskeretin bolsaq, taraptar Qaraǵandy oblysynyń, onyń ishinde Jezqazǵan qalasynyń áleýetin zertteýge kelisti.
Sonymen qatar taraptar tájirıbe almasýdy, aqparattyq habardarlyqty arttyrýdy, qarjylyq ınvestısııalardy tartýǵa jáne basqa da birqatar máselege baǵyttalǵan mańyzdy birlesken is-sharalardy atqarýdy josparlap otyr.
Aıta ketý kerek, qazirgi tańda sharýashylyqtyń barlyq salalarynda energııa únemdeý jáne energııa tıimdiligin arttyrý máselesine erekshe nazar aýdarylyp otyr. Osyǵan baılanysty Dúnıejúzilik bankpen halyqaralyq yntymaqtastyq jolǵa qoıyldy, shamamen 22 mln AQSh dollaryna joba júzege asyrylýda, 78 áleýmettik mańyzy bar nysan jańǵyrtyldy. Joba nátıjesi boıynsha 270 mln teńge bıýdjet qarajaty únemdeletin bolady.
Sondaı-aq BUU Damý baǵdarlamasymen birlesip, jabdyqtyń energııa tıimdiligin sertıfıkattaý jáne tómen kómirtekti damýǵa kóshý boıynsha jalpy somasy 10 mln AQSh dollaryn quraıtyn 2 joba júzege asyrylýda.
