Ońdasyn Orazalın: Qarǵaly aýdanynda kópke úlgi bolar ister kóp

Aımaqtar • 29 Qańtar, 2020

Ońdasyn Orazalın: Qarǵaly aýdanynda kópke úlgi bolar ister kóp

71 ret kórsetildi

Oblys ákimi Ońdasyn Orazalın Qarǵaly aýdanyna arnaıy issaparmen baryp, aýdan ákiminiń dástúrli esep berý jıynyna qatysty.

Temir QUSAIYN

Esep berý jıynyna aýdan turǵyndary, oblystyq, aýdandyq máslıhat depýtattary, oblystyq basqarma basshylary, quqyq qorǵaý organdarynyń qyzmetkerleri, jergilikti kásipkerler qatysty.

Qarǵaly aýdanynyń ákimi Asqar Júsibalıev aýdannyń 2019 jylǵy áleýmettik-ekonomıkalyq damýynyń qorytyndylary men 2020 jylǵa alynǵan mindetter týraly baıandama jasady.

Jıyn barysynda aımaq basshysy O.Orazalın aýdan ákiminiń esebine qanaǵattanarlyq degen baǵa berip, aýdannyń budan da zor jetistikterge jetetin áleýeti men múmkindikteri zor ekenin atap ótti.
О́ziniń eseptik baıandamasynda aýdan ákimi A.Júsibalıev sońǵy jyldary aýdan kóleminde dástúrli emes aýylsharýashylyq ónimderin óndirý boıynsha jumys istelip jatqanyna keńinen toqtaldy.
Oblys ákimi O.Orazalın aýdan ákiminiń esebin muqııat tyńdap, zalda otyrǵan turǵyndardyń usynystary men pikirlerin tyńdady. Sonymen qatar ótken jylǵy eseptik kezdesýde berilgen tapsyrmalardyń oryndalýyna qatysty birqatar syn-eskertpe aıtyp ótti. Jergilikti ákimdikke halyqpen tyǵyz baılanysta jumys isteý boıynsha naqty tapsyrmalar berdi.

- Búgingi kúni elimizde qalyptasqan saıası turaqtylyq pen aımaq halqynyń birlesken jumysynyń, sabyrlylyq tanytqanynyń jemisin kórip otyrmyz. О́mir bolǵan soń qordalanǵan máseleler kóp, barlyǵynyń bir kúnde sheshimin tabý múmkin de emes. Aýdan kóleminde kóptegen jumys atqaryldy. Bul aýdan ákimdigi men turǵyndardyń birlesken jumysynyń nátıjesi dep bilemin. Degenmen naryq talaby kún saıyn ózgerip, jańa usynystardy alǵa tartyp otyr. El jastary ýaqytpen eseptespeı, nátıjeli jumys isteýge talpynýy qajet. Qolda bar múmkindikti durys paıdalanyp, el erteńine aıanbaı qyzmet etýimiz qajet, - dedi oblys ákimi Ońdasyn Orazalın.

Sonymen qatar aımaq basshysy aýdan turǵyndarynan óziniń áleýmettik jelisine kelip túsken birqatar suraqqa toqtalyp ótti. Aýdan basshylyǵyna atalǵan jumystardyń oryndalý barysyn qadaǵalaýdy jáne sheshimin tapqandyǵy jóninde esep berýdi tapsyrdy.

- Kóterilgen máselelerdiń barlyǵy da ózekti. Jyl boıy atqarylǵan jumystardyń oń nátıjesin kórý úshin naqty josparmen jumys isteý qajet. Qarǵaly aýdany tabıǵaty ásem, týrızmdi damytýǵa óte qolaıly aımaq. Sheteldik ınvestorlardan tys jol boıyndaǵy kásipkerlikpen aınalysatyn turǵyndarǵa jan-jaqty qoldaý kórsetý qajet. Jergilikti halyqtyń negizgi tirshilik kózi aýylsharýashylyq ónimderi. Osy baǵytta naqty josparlardy qolǵa alý qajet. Halqymyzda aýlasyna qarap, azamatyn tanısyń degen sóz bar. Azamattardy aıanbaı eńbek etýge, óz aýlamyz ben týǵan jerimizdi kútip, baptap, el súısinetin elge aınaldyrý óz qolymyzda. Tek ýaqytynda kómek bere bilýimiz qajet, - dedi oblys basshysy.

Jıyn sońynda oblys ákimi aýdan ákimi men basqarma basshylaryna sýarmaly jerlerdi ıgerý, aýyl, malsharýashylyq ónimderin óndirý, egistik kólemin tıimdi paıdalanýdy arttyrý týraly birqatar naqty tapsyrma berdi.

Kúnniń mańyzdy jáne ózekti jańalyqtaryn «Egemen Qazaqstan» telegram kanalynan oqyńyz