Kórermender ansambldiń balet artısteri: Azamat Asqarov, Arqat Áshirbek, Rıza Taǵanova, Raýshan Kýndýkova, Aqjol Abıbýlla, Suńkar Bolat, Denıs Vıtchenko, Aıda Ajmaǵambetova, Maqpal Nanaeva, Eskendir Tergemısov, Laýra Úrkinbaeva, Erjan Sarmanov, Ǵazız Jánibekov, Venera Fahretdınova, Groznyı qalasyndaǵy Mahmud Esambaev atyndaǵy Halyqaralyq bı konkýrsynyń Gran-Prı júldegeri - Ernur Qaryqboldyń ónerin tamashalaıdy.
Konserttiń júrgizýshisi Halyqaralyq konkýrstardyń laýreaty – Qýat Ydyrysqalıev.
Osynaý shyǵarmashylyq is-sapar aıasynda ansambldiń kórkemdik jetekshisi, bas baletmeısteri, QR eńbek sińirgen qaıratkeri, «Qurmet» jáne «Parasat» ordeniniń ıegeri Gúlsáýle Orýmbaeva BAQ ókilderin Uly Abaıdyń 175 jyldyǵy qarsańynda atqarylatyn is-sharalar retimen tanystyrdy.
«2020 jyl Qazaqstanda Abaı Qunanbaıulynyń 175-jyldyq mereıtoıy dep jarııalandy. 9-shy qańtarda «Egemen Qazaqstan» gazetinde Prezıdentimiz Qasym-Jomart Kemelúly Toqaevtyń Abaı Qunanbaıulynyń 175-jyldyǵyna oraı jarııalanǵan «Abaı jáne XXI ǵasyrdy Qazaqstan» maqalasy shyqty. Biz biraýyzdan maqalany qoldaımyz jáne de aqynnyń shyǵarmalarynyń búgingi kúnge deıin halyqqa ózekti jáne rýhanı azyq ekenine jáne sonyń arqasynda memleketimiz uly aqynnyń keńesterine súıene otyryp, barlyq salalarda damıtynyna, úlken jetistikterge jetetine senimdimiz»,-dedi ol.
Aıta ketetini, memlekettik «Saltanat» bı ansambli 1955 jyly Qazaq memlekettik án-bı ansambliniń negizinde uıymdastyrylyp, 1989 jyly «Saltanat» bı ansambli bolyp qaıta qurylǵan.
Kórkemdik jetekshisi jáne bas baletmeıstri QR eńbek sińirgen óner qaıratkeri – Gúlsáýle Orymbaeva.
Qazir ujymda 70-ten astam bıshi, repertýarynda 150 den astam halyqtyń bıi bar. Ujym osy aralyqta AQSh, Ulybrıtanııa, Fransııa, Bolgarııa, Italııa, Túrkııa, Qytaı, Reseı elderinde konsert bergen.
