Bul teńdesi joq joba ǵulama ál-Farabıdiń adamzat úshin eń basty dep sanaǵan meıirimdilik, parasattylyq, adaldyq jáne ádildik syndy qundylyqtardy qaperde ustaı otyryp, eldegi ıgi ister estafetasyna serpin beredi.
Chellendjge kez kelgen adam qatysa alady. Ol úshin áleýmettik jelilerde qaıyrymdy is-áreketter, qaıyrymdy jáne izgi ister týraly post, fotosýretter nemese beınebaıan jarııalaý jetkilikti. Chellendjdiń uıymdastyrýshylary estafetany jalǵastyrýdy jáne ony #AlFarabiQQ heshtegimen súıemeldeýdi usynady.
«Ál-Farabı «Baqyttyń máni – parasattylyqta, árkimniń óz aldynda ıgilikti maqsat qoıa bilýinde... adamnyń óz minez-qulqyn, is-áreketin erikti túrde ózgertip, ıgilikke baǵyttap otyrýynda», – degen bolatyn. Árbir adamnyń jaqsylyq jasaýǵa, ózin jáne aınalasyndaǵylardy baqytty etýge bar kúsh-jigeri jetedi. Eger biz árqaısymyz óz-ózimizdi jetildirýge jáne jaqsy is-áreketter jasaýǵa umtylsaq, barshamyz birge Qazaqstandy qýatty ult pen jaýapty adamdardan turatyn – tabysty, qaıyrymdy elge aınaldyramyz» deıdi flesh-mobqa qatysqan ekinshi kýrs stýdenti Hasan Nursat.
Joba jastar arasynda volonterlik qozǵalysty damytýǵa, áleýmettik yntymaqtastyqty nyǵaıtýǵa jáne tek jahandyq ǵana emes, sonymen qatar jergilikti qoǵamdastyq máselelerin de sheshýde bastamashyl toptardy uıymdastyrýǵa, naqty adamdarǵa kómek kórsetýge baǵyttalǵan. Chellendj medıa keńistikte oń kózqaras kórsetýge jáne bir-birine meıirimdilik pen janashyrlyq tanyta otyryp, qıyn-qystaý jaǵdaıǵa tap bolǵan adamdardyń ómirine beıjaı qaramaı, bir-birine bolysý arqyly, naqty is-áreketter jasaýdyń mańyzdy ekenin qaperde ustaýǵa septesedi.
