Kezdesýde eki memleket arasyndaǵy yntymaqtastyqtyń barynsha perspektıvalyq baǵyttary talqylandy. Atap aıtqanda Qazaqstannyń port jáne termınaldyq ınfraqurylymyn damytý jáne basqarý, elimizdiń kólik-logıstıkalyq sektoryn sıfrlandyrý sııaqty jobalar usynyldy. Sıngapýrdyń Djýrong ındýstrııalyq aımaǵyn damytýdaǵy baı tájirıbesin eskere otyryp, arnaıy ekonomıkalyq jáne ındýstrııalyq aımaqtar salasynda yntymaqtastyq ornatý jaıy sóz boldy. Sondaı-aq, Qazaqstan men Sıngapýr arasynda tikeleı áýe qatynasyn ashý múmkindigi talqylandy.
Sıngapýr tarapy Qytaıdyń ońtústigindegi Beıbý shyǵanaǵynda ornalasqan porttardyń birin paıdalanýdy usyndy. О́ıtkeni, Sıngýpýrdan Qytaıdyń shyǵys jaǵalaýyndaǵy Lıanıýngan portyna deıin júk tasymaldaýǵa 3 aptadaı ýaqyt ketse, Beıbý shyǵanaǵyna deıin 1 apta ishinde jetkizýge bolady. Taraptar atalǵan dálizdi uıymdastyrý múmkindikterin pysyqtaýǵa kelisti. Ári qaraı Astana halyqaralyq qarjy ortalyǵynyń ıýrısdıksııasyn paıdalanyp, ASEAN elderiniń júk aǵynyn tartýǵa bolady. Oǵan Qazaqstan aýmaǵy arqyly Qytaı-Eýropa baǵytynda konteınerlik tasymaldaý jumystary sátti iske asyrylyp jatqan «Bir beldeý-bir jol» bastamasy oń yqpal etpek.
