Qalalyq ákimdiktiń aqparattyq-kommýnıkasııa ortalyǵynda ótken brıfıngke departament basshysynyń mindetin atqarýshy Sálıma Bopova, tabıǵı monopolııalardy jáne baǵalardy retteý bóliminiń basshysy Aıgúl Sholpanova, qalalyq energetıka jáne kommýnaldy sharýashylyq basqarmasy basshysynyń orynbasary Nurlan Jamankóz 2020 jylǵa arnalǵan kommýnaldy qyzmetterdiń tarıfteri boıynsha qysqasha aıtyp ótti.
«2020 jyldyń 1 qańtarynan kommýnaldy qyzmetter tarıfteriniń ósýi josparlanǵan edi. Biraq departament Shymkent qalasy ákimdigimen jáne tabıǵı monopolııalar sýbektilerimen birge turǵyndar úshin tarıfter ósimin tejeý boıynsha aýqymdy jumystar atqardy. Tabıǵı monopolııa sýbektileri turǵyndar úshin tarıfterdi tómendetýge jáne 2019 jyldyń deńgeıinde qaldyrýǵa sheshim qabyldady. 2020 jyly tutynýshylarmen tarıfterdiń kóterilýine jol berilmeýdiń nátıjesinde 2,32 mlrd teńgege jýyq qarjy únemdeledi», deıdi Departament basshysynyń mindetin atqarýshy Sálıma Bopova.
Iаǵnı, 2020 jylǵa sýmen jabdyqtaý, sarqyndy sýlardy burý, jylýmen jabdyqtaý qyzmetteriniń turǵyndarǵa arnalǵan tarıfteri ózgerissiz, 2019 jyldyń deńgeıinde qaldyrylyp otyr.
«2019 jyly 585 aryz-shaǵym túsken. 212 shaǵym boıynsha 32 jospardan tys tekserý júrgizildi. 53 ákimshilik aıyppul salynyp, 32 nusqama berilgen», deıdi atalǵan departamenttiń bólim basshysy Aıgúl Manapqyzy.
Shymkent
