Sport • 07 Aqpan, 2020

Marına Volnova Vengrııadaǵy týrnırde úzdik úshtikke endi

92 ret kórsetildi

Vengrııanyń Debresen qalasynda ótip jatqan Ishtvan Boshkaıdy eske alýǵa arnalǵa dástúrli halyqaralyq týrnırde Qazaqstan qorjyny taǵy bir qola medalmen tolyqty. Bul týraly Olympic.kz habarlady.

Áıelder boksynan 69 kelige deıingi salmaqta synǵa túsken Marına Volnova týrnırdiń qola júldegeri atandy. Ol jartylaı fınalda vengrııalyq sportshydan utylyp, úzdik úshtikke endi.

Aıta keteıik, London Olımpıadasynyń qola júldegeri sanalatyn Marına Volnova 5 jyldyq úzilisten soń úlken sportqa qaıta oralǵan bolatyn.  Al 64 kelige deıingi salmaqta baq synaǵan Rımma Volosenko jartylaı fınalda sharshy alań ıegerin jeńdi.

Fınalda ol reseılik Ekaterına Dynnıkpen kezdesedi. Volosenko Qaraǵandyda ótken Ǵalym Jarylǵapov atyndaǵy halyqaralyq týrnırde atalǵan sportshyny jeńgen bolatyn.  Vengrııadaǵy týrnırde bokstan Qazaqstan erler komandasy úsh qola enshiledi. Sondaı-aq taǵy úsh sportshymyz fınalda judyryqtasady.   

Sońǵy jańalyqtar

Uqsas jańalyqtar