Departament basshysynyń aıtýynsha, buǵan deıin qabyldanǵan 5 jyldyq josparda stansııalarda óndiriletin elektr energııasy jáne olardy tasymaldaýǵa ketetin shyǵyn kólemi ózgermegen jaǵdaıda sýmen jabdyqtaý jáne sý burýǵa arnalǵan tarıf 2024 jylǵa deıin ózgermeıtini kórsetilgen.
«Almaty Sý» MKK ótken jyly 2020–2024 jyldarǵa arnalǵan tarıftiń shekti deńgeıin bekitýge ótinish jasady.
«Júrgizilgen analız qorytyndysy boıynsha, júkteme bóligin bıýdjettik uıymdarǵa jáne zańdy tulǵalarǵa qaıta bólý jolymen departament 2020 jyldyń 1 aqpanynan bastap sýmen jabdyqtaý jáne sý burýǵa arnalǵan tarıfti 4%-ǵa arzandatty», — dep túsindirdi Ulttyq ekonomıka mınstrligine qarasty Tabıǵı monopolııalardy retteý komıtetiniń Almaty qalasy boıynsha departamentiniń basshysy Bolat Sambetov.
Odan bólek, B. Sambetov Qazaqstannyń basqa óńirlerimen salystyrǵanda Almatyda sýmen jabdyqtaý jáne sý burý tarıfteri eń tómen baǵada ekenin atap ótti.
«Almaty sý tarıfi baǵasynyń tómendigi boıynsha 6 orynda, káriz júıesi boıynsha – 3 orynda tur. Bul rette, ınvestısııalyq baǵdarlamaǵa qatysty shyǵyndardy qaıta qaraý jáne tómendetý negizinde 2019 jyldyń 1 qańtarynan bastap sý jáne káriz tarıfteri 10 paıyzǵa arzandatylǵan», – dedi Bolat Sambetov.
