Atap aıtar bolsaq, 52 kılodaǵy Mahmýd Sabyrhan fınalda úndistandyq Lalıtha Prasada Polıpallıden basym tússe, 2018 jylǵy jasóspirimder Olımpıadasynyń jeńimpazy Aıbek Oralbaı (91 kg) atalǵan týrnırde qarsylas shaq keltirmedi. Ol da fınalda úndistandyq Gaýrava Chaýhannan aılasyn asyryp ketti. Al áıelder arasynda synǵa túsken Rımma Volosennko (60 kg) reseılik Ekterına Dynnıkti jeńip, jarys jeńimpazy atandy. Fınaldyq saıysta judyryqtasyp, fransııalyq Vahıd Hamblıge jol bergen Talǵat Sháıken kúmis júldege ıe boldy. Sondaı-aq jartylaı fınalda súringen Aıdos Arapov (57 kg), Nurbek Oralbaı (81 kg), Damır Toıbaı (+91 kg) jáne Marına Volnova (69 kg) qola júldeni qanaǵat tutty.
Aıta keteıik, erler sapynda judyryqtasqan otandastarymyz elimizdiń úshinshi-tórtinshi nómirli boksshylary sanalady. Al ulttyq quramanyń negizgi boksshylary naýryz aıynda Iordanııada ótetin lısenzııalyq jarysqa daıyndalyp jatyr.
