Bıometrııa avtorızasııany baqylaý men qaýipsizdikti qamtamasyz etýde eń keleshegi kúshti ári novatorlyq tehnologııa bolyp tabylady. Búginde qaǵaz túrindegi kýálikterdi bıometrııalyq sáıkestendirý yǵystyra bastady. Smartfondy saýsaq izi arqyly buǵattan shyǵarý, satyp alǵandardy selfıdiń kómegimen tóleý, aqshany daýys arqyly aýdarý… Bul atalmysh tehnologııa múmkindikteriniń bir qyry ǵana.
Bıometrııa bizde de kóptegen salalarda belsendi paıdalanylady, onyń biri memlekettik qyzmet bolyp otyr. О́ıtkeni ol qyzmet alýdy aıtarlyqtaı jeńildetedi. 2020 jylǵy qańtar aıynda Almatyda 2 200 adam bıometrııalyq derekterin engizgen.
Bıometrııa týraly, jalpy sıfrlyq tehnologııalar jaıly aıtqanda kóbisinde zańdy suraq týyndaıdy – jeke derekterdiń qaýipsizdigi qalaı bolmaq?
«Azamattarǵa arnalǵan úkimet» memlekettik korporasııasy Almaty qalasy fılıalynyń dırektory Danııar Qyryqbaevtyń aıtýynsha, sáıkestendirý úshin bıometrııalyq parametrlerdi paıdalaný kiltter men qupııa sózderdi qoldanýmen salystyrǵanda joǵary qaýipsizdikti qamtamasyz etedi.
«Sebebi, bıometrııalyq sáıkestendirgishterdi umytý, joǵaltý, urlaý múmkin emes. Bul tehnologııa únemi damý ústinde – bıometrııalyq sáıkestendirgishterdiń dáldigi ulǵaıtylyp, derekterdi óńdeý jyldamdyǵy arttyrylyp, shıfrleý hattamasy kúrdelenip keledi», - deıdi Danııar Qyryqbaev.
