Osy oraıda 50-ge tarta almatylyq volonter mamandarmen birige otyryp, Naýryzbaı men Túrksib aýdandarynda túsindirý jumystaryn júrgizdi.
Sharada tótenshelikter aýdandaǵy kómir paıdalanatyn úılerge, ishimdikke beıim jandarǵa jáne áleýmettik az qamtylǵan otbasylarǵa kirip, órtten saqtaný sharalaryn túsindirdi. Mamandardyń sózinshe, kóbine ishimdik iship, peshti jaǵyp uıyqtap qalatyndar ysqa ýlanyp qalady eken. Sondyqtan mundaı sharany jıi uıymdastyrǵan abzal. Eriktilerdiń de osyndaı jumysqa erikti túrde jumylǵany durys deıdi.
– Volonterlar sharaǵa belsendi túrde qatysady. Naýryzbaı aýdanynda 23 710 jeke turǵyn úı ornalasqan. Onyń ishindi 1600-i qatty otyn jaǵatyn turǵyn úıler. Sol sebepten atalǵan aýdanda gazdan ýlaný sebepteri kóp anyqtalýda. Sol úılerge baryp, túsindirme jumystaryn, órt qaýipsizdigin saqtaý týraly úgit nasıhat, túsindirý paraqshalary taratyldy, – deıdi Naýryzbaı aýdandyq TJ bóliminiń ınjeneri Álisher Dýbekov.
