Sıfrlyq damý, ınnovasııalar jáne aeroǵarysh ónerkásibi vıse-mınıstri Abylaıhan Ospanov Parlament Májilisinde zań jobasyn tanystyrý barysynda bul túzetýlerdi engizý zaman talaby ekenin aıtyp ótti.
Usynylǵan negizgi jańashyldyqtardyń biri qazaqstandyqtardyń jeke derekterin qorǵaýdy kúsheıtýge qatysty.
«Bul zań jobasyna biz azamattardy jeke derekteriniń paıdalanylǵany týraly habardar etetin arnaıy servıs engizýdi usynamyz. Iаǵnı, ár azamat óziniń jeke derekterin kimniń, ne úshin suratqanyn jáne paıdalanǵanyn biletin bolady. Budan basqa, jeke derekterdi qorǵaý jónindegi ýákiletti organdy aıqyndaý mańyzdy dep sanaımyz. Osylaısha, memleket azamattarymyzdyń jeke ómirine qol suqpaýdy qamtamasyz ete alady",- dep atap ótti Abylaıhan Ospanov.
Zań jobasyna 6 negizgi baǵyt boıynsha 252 túzetý engizilgen, olar Qazaqstanda sıfrlyq tehnologııalardy qoldaný men odan ári engizý úshin quqyqtyq negiz qurýǵa baǵyttalǵan. Mysaly, jumystyń ózekti baǵyttarynyń biri-sıfrlyq qujattardy zańdastyrý.
«Atalǵan zań jobasynda biz mobıldik úkimet bazasynda sıfrlyq qujattar servısin engizýdi usynamyz. Bul mehanızm respýblıka azamattarynaózimen birge kýálandyratyn qujaty bolmaǵan jaǵdaıda da memlekettik jáne memlekettik emes qyzmetterdi alýyna múmkindik beredi. Biz bul jańashyldyqty engizýge daıynbyz jáne eGov mobile qosymshasynda atalǵan servısti iske qostyq», - dep atap ótti Abylaıhan Ospanov.
Azamattarǵa memlekettik qyzmetterdi alýda ózderiniń bıometrııalyq derekterin paıdalaný múmkindigin usynbaqshymyz. Pılottyq rejımde bul tásil Nur-Sultan, Almaty jáne Qyzylorda qalalaryndaǵy birneshe Halyqqa qyzmet kórsetý ortalyqtarynda paıdalanylýda. Endi bıometrııalyq derekterdi jınaý jáne paıdalaný tártibin zańdy túrde bekitýdi usynamyz.
«Bul jańashyldyq zańǵa engizilgen jaǵdaıda Nur-Sultan, Almaty jáne Qyzylorda qalalaryndaǵy birneshe HQKO-da ǵana emes, «Azamattarǵa arnalǵan úkimet» korporasııasynyń respýblıka boıynsha barlyq bólimshelerinenazamattar óziniń saýsaq izderi men beınesin paıdalana otyryp, qyzmet túrlerin alý múmkindigine ıe bolady. Iаǵnı azamattarǵatańdaý usynylady: dástúrli tólqujat, jeke kýálik, ESQ-nyń kómegimen nemese zamanaýı, jeke basyn óziniń saýsaq izimen rastaı otyryp, telefondaǵy TouchID jáne Face sııaqty servısterdiń kómegimen alý», - dedi vıse-mınıstr.
Sıfrlyq tehnologııalardy engizý kezinde usynylatyn tásilderdi iske asyrý memlekettik basqarýdyń ashyq júıesin qurýǵa, sondaı-aq derekterdi taldaý negizinde áleýmettik-ekonomıkalyq kórsetkishterdi naqty josparlaý men boljaý esebinen ekonomıka sektorlaryn damytýǵa yqpal etedi. Bul sharalar, óz kezeginde IT salasyndaǵy ınvestısııalyq ahýaldy jaqsartýǵa, derbes derekterdi qorǵaýdy kúsheıtýge jáne ulttyq qaýipsizdikti qamtamasyz etýge, sondaı-aq halyqpen tıimdi keri baılanys ornatýǵa múmkindik beredi.
