«Qazaqstan Respýblıkasynyń týrıstik salasyn damytýdyń 2019-2025 jyldarǵa arnalǵan» memlekettik baǵdarlamasyna Kaspıı teńiziniń jaǵalaýynda teńiz kýrortynyń ınjenerlik-kommýnıkasııalyq ınfraqurylymyn damytý boıynsha is-sharalar engizildi.
Jergilikti bıýdjet qarajaty esebinen Aqtaý men Quryq porty aralyǵyndaǵy teńiz jaǵalaýynyńınfraqurylymyn damytý, onyń ishinde elektr qýatymen, sýmen, gazben qamtý jáne Aqtaý qalasynan «Alaý» balalardy saýyqtyrý lagerine deıingi 4 jolaqty qozǵalystaǵy, odan ári Quryq paromdyq keshenine deıingi 2 jolaqty qozǵalystaǵy avtojoldyń qurylysyn salý jáne qaıta qurylymdaý boıynsha qarqyndy jumystar júrgizilýde.
«Nur-Kapıtal» memlekettik baǵdarlamasynyń 30 mln teńge kólemindegi qoldaýy jáne kásipkerdiń jeke qarajaty esebinen 2019 jyldyń kókteminde Shetpe selosynda «Sátti» kempıng kesheni ashyldy. Investısııa kólemi – 160 mln. teńgeni qurap, barlyǵy 41 jumys orny ashyldy.
Byltyr Mańǵystaý óńirine kelgen saıahattaýshylardyń sany 200 myńnan asty. Aımaqta týrısterge qyzmet kórsetetin 90 qonaqúı bar. О́tken 2018 jyldyń 9 aıymen (3,9 mlrd teńge) salystyrǵanda, byltyr kórsetilgen qyzmet kólemi 4,1 mlrd teńgeni qurap, 104,3%-ǵa ósti.
Mańǵystaý oblysy
