AQSh-tyń Boston qalasyndaǵy úlken alqabıler soty qazaqstandyq stýdentter Azamat Tájaıaqov pen Dıas Qadyrbaevqa marafonnan keıin oryn alǵan terakt jaı-japsaryn tekserý kezinde quqyq qorǵaýshylarǵa kedergi keltirdi dep taǵylǵan aıyptyń durystyǵyn maquldady.
AFP agenttiginiń málimdeýinshe, endi qazaq jigitterine 20 jyl túrmede otyrý qaýpi tónip tur. Bul eki jas jigit bıylǵy mamyr aıynyń basynda qamaýǵa alynǵan bolatyn. Olar tergeý kezinde ózderiniń joǵaryda atalǵan lańkestikke qatysty aıǵaq zattardan qutylmaq bolǵandaryn moıyndapty. Federaldy barlaý bıýrosy Djohar Sarnaev marafonǵa feıerverkter men noýtbýk salyp barǵan arqaǵa asatyn qapshyqty sońynan osy stýdentter turǵan páterge ákelingenin aıtady. Bul ekeýi keıin qaýip tóne bastaǵan shaqta ony terezeden laqtyryp jibergen. Artynsha arnaıy qyzmet qyzmetkerleri aıǵaqty rıýkzakty kúl-qoqys arasynan taýyp alǵan.
Eske salyp ótsek, Tamerlan jáne Djohar Sarnaevtarǵa ústimizdegi jylǵy 15 sáýir kúni Bostondaǵy marafonnyń sońyn ala oryn alǵan jarylystyń tikeleı jasaýshylar retinde aıyp taǵylyp otyr. Sol oqıǵanyń saldarynan 3 adam qaza taýyp, 180 adam ártúrli jaraqat aldy. Tamerlan polıseılermen atys kezinde qaza tapty, al Djohar artynsha qolǵa tústi.
Sultan BOZAIǴYR.
