2020 jylǵa josparlanǵan eń mańyzdy jobalar - Aqtaý qalasy aýmaǵynda jyly jaǵajaı aýdanynda týrıstik-qonaq úı kesheni, Túpqaraǵan aýdanynda qus fabrıkasy, shaǵyn gaz porshendi elektr stansııalary bazasynda «Qazaq gaz óńdeý zaýyty» JShS úshin elektr energııasyn óndirý, polıpropılen qaptamasyn óndirý, qant shıkizatyn qaıta óńdeý jáne onyń negizinde qant qumy men nabat óndirisi boıynsha shaǵyn zaýyty.
«Aqtaý teńiz porty» AEA aýmaǵynda 30 mekeme, onyń ishinde 1 transulttyq kompanııany (Tenarıs) qosa alǵanda, sheteldik kapıtaldyń qatysýymen 10 kompanııa tirkelgen. Búgingi kúni atalǵan aýmaqta 1500-den astam jumys orny qurylǵan. 18 kásiporyn jumys isteıdi.
2019 jyly «Satex Chemie» JShS – bıtým emýlsııasy negizinde gıdro oqshaýlaǵysh materıaldar óndirý jobasy iske qosyldy.
2020 jylǵa jalpy somasy 3,9 mlrd teńgege 247 jańa jumys ornyn qurýmen «Bolat quıý ortalyǵy» JShS bolattan jasalǵan buıymdar óndirisi (joba quny - 871 mln teńge, 15 jumys orny), «PERAPLASTIC SEZ» JShS polıpropılen qaptamasyn óndirý. (joba quny – 2,8 mlrd teńge, 200 jumys orny), «Dostyq-Polımer Plıýs» JShS polımerlik oram (ydys) óndirisi (joba quny - 295 mln. teńge, 32 jumys orny) syndy 3 jobany iske qosý josparlanǵan.
Investısııa kólemin ulǵaıtý boıynsha jumystardy jalǵastyrý maqsatynda jyl basynan beri álemniń 10-nan astam elinen, Ulybrıtanııa, Qytaı, Germanııa, BAÁ, Shveısarııa, Italııa, Fransııa, Túrkmenstan, Reseı jáne t.b. elderinen áleýetti ınvestorlar men kezdesýler ótkizilip, onda ınvestorlar energetıka, kólik jáne logıstıka, aýyl sharýashylyǵy, qalalyq ınfraqurylym jáne t.b. sııaqty ekonomıka salalaryndaǵy jobalardy iske asyrýǵa qyzyǵýshylyq tanytty.
2019 jyldyń 17-18 mamyrynda «Astana ekonomıkalyq forýmy» aıasynda Mańǵystaý oblysy «Astananyń halyqaralyq qarjy ortalyǵymen» birlesip «Global Silk Road Mangystau invest 2019» halyqaralyq ınvestısııalyq forýmyn ótkizdi. Onyń barysynda Astananyń halyqaralyq qarjy ortalyǵy men halyqaralyq quqyq qaǵıdattarynda ınvestorlarmen jumys júrgizý boıynsha memorandýmǵa qol qoıyldy.
Forým qorytyndysy boıynsha ınvestorlarmen Mańǵystaý oblysynda 2,2 mlrd. AQSh dollar somaǵa 4 ınvestısııalyq jobany júzege asyrý týraly kelisimge qol jetkizildi. Atap aıtqanda, olar - «Olefınder men metanol óndiretin zaýyt salý», -«Logıstıkalyq ortalyqtyń qurylysy», «Beskempir ken orny bazasynda shoıyn zaýytyn salý» jáne «Kómirsýtek shıkizatyn qaıta óńdeý keshenin salý».
