Taıaýda Portýgalııa memleketiniń Lıssabon kalasynda djıý-djıtsý sheberleri (IBJJF) arasynda Eýropa ashyq chempıonaty ótken bolatyn. Álemniń 100 elinen jınalǵan 5 myńǵa jýyq sportshynyń ishinde Áset Qydyrbaev qola júldege ıe bolǵan edi.
Jeti kúnge sozylǵan dodada elimizdiń namysyn qorǵaǵan Áset Qydyrbaev 82,3 keli salmaq dárejesinde Gollandııa, Brazılııa, Polsha, Anglııa sporshylarymen kúsh synasyp, óz salmaǵyndaǵy 24 qatysýshydan dara bolyp, jeńimpazdar tuǵyryna kóterildi.
El mereıin ústem etken batyrdyń jattyqtyrýshysy – Qutjanov Marat bolsa, Áset Bektursynuly Nur-Múbarak ýnıversıtetindegi «Islamtaný» fakýltetiniń 2013 jylǵy túlegi.
Kezdesý barysynda «Ustazyn ulyqtaı bilmegen adamnyń qolynan eshýaqytta ulylyq kelmeıdi», degen sózdi jadynda saqtaǵan jeńimpaz Áset Qydyrbaev ustazdaryna rahmetin aıtyp, aq batasyn aldy.
Sondaı-aq ýnıversıtet prorektory Q.Qurmanbaev shákirtin jeńisimen quttyqtaı kele, «Sáýir aıynyń basynda BAÁ ótetin álem chempıonatynda baǵyń men babyń kelisti bolyp, jeńis tuǵyrynan kóreıik!», dep izgi nıeti men aq tilegin bildirdi.
