Aımaqtar • 12 Aqpan, 2020

Mańǵystaýda jyl basynan beri 30 jekemenshik balabaqsha ashyldy

360 ret

kórsetildi

1 mın

oqý úshin

2019 jyly bilim júıesin qarjylandyrý 78,1 mlrd bilim berý nysandaryn damytý 3,9 mlrd teńgeni qurady. Bul jóninde aımaq turǵyndaryna esep bergen oblys ákimi Serikbaı Trumov aıtty, dep habarlady Mańǵystaý oblysynyń qoǵamdyq kommýnıkasııa ortalyǵy.

Gúlaıym DÁÝITBAI

Mańǵystaýda jyl basynan beri 30 jekemenshik balabaqsha ashyldy

Oblys mektepterinde úsh aýysymda oqytý problemasyn joıý maqsatynda Munaıly aýdanyna qarasty Atameken jáne Basqudyq aýylyndaǵy eki mektep janynan qosymsha 640 oryndyq ǵımarat salynyp, paıdalanýǵa berildi. Endigi kezekte Aqtaý qalasynda 900, Munaıly aýdanynda 960, Túpqaraǵan aýdanynda 600 oryndy qamtıtyn barlyǵy 2460 oryndyqty 3 mekteptiń qurylysy bastaldy.

Qazirgi ýaqytta oblysta 305 mektepke deıingi uıym jumys isteıdi. Munda 36,9 myń bala qamtylǵan. Jyl basynan beri 2258 oryndyq 30 jekemenshik balabaqsha ashyldy. 2019 jyldyń qorytyndysy boıynsha 3-6 jastaǵy balalardy balabaqshamen qamtý 100% qurady. Barlyq mektepter 100% keń jolaqty ınternetpen qamtamasyz etilgen.