2020 jyly 13 aqpanda Almatynyń halyqaralyq áýejaıyna Qytaıdan 211 jolaýshysy bar reıs keldi. Onyń ishinde Qazaqstannyń 171, Qyrǵyzstan 40 azamaty bar.
Bul – QHR-da koronavırýsty ınfeksııanyń shyǵýyna baılanysty QR azamattaryn kóshiretin sońǵy reıs.
Kelgenderdiń jaǵdaıy qanaǵattanarlyq. Almaty áýejaıyna tabany tıgen qazaqstandyqtar juqpaly aýrýlar emhanalaryna jetkizildi. Qyrǵyzstan azamattary qyrǵyz tarapyna berildi jáne Qyrǵyz Respýblıkasynyń aýmaǵyna jetkizildi.
Karantın jarııalanǵan jerden kelgen jolaýshylar juqpaly aýrýlar emhanasynyń aýmaǵyndaǵy mamandandyrylǵan bokstarǵa oqshaýlandy.
Sanıtarlyq jáne shekara qyzmetiniń qyzmetkerleri, ekıpaj, medısına qyzmetkerleri ushaqty áýejaı aýmaǵyndaǵy jeke aımaqqa otyrǵyzý kezinde, sondaı-aq pasıentterdi jeke baǵyt boıynsha oqshaýlaý jáne karantındeý prosesinde koronavırýsty ınfeksııalardyń taralýyna jol bermeý úshin barlyq epıdemııaǵa qarsy sharalardy saqtaǵanyn atap ótken jón.
Ushaq bortynda jolaýshylar termometrııa ádisi boıynsha úsh kezeńnen turatyn tekserýden ótti.
Juqpaly aýrýlar aýrýhanasynyń aýmaǵyna kelgenderge barlyq qajetti jaǵdaılar jasalǵan. Medısınalyq uıymdar dári-dármekterdiń jáne epıdemııaǵa qarsy qorǵaný quraldarmen jetkilikti túrde qamtamasyz etilgen.
Jalpy, búgingi kúni álemde 45 188 koronavırýsty ınfeksııa jaǵdaıy tirkelgen.
Almatyda jaǵdaı turaqty, koronavırýsty juqtyrý oqıǵasy joq. Jaǵdaı bıliktiń baqylaýynda. О́ńirlik shtab koronavırýsty ınfeksııanyń taralýynyń aldyn alý boıynsha kúsheıtilgen sharalardy iske asyryp otyr.
Barlyq halyqaralyq reıster boıynsha vırýstyq ınfeksııalardyń aldyn alý jáne dıagnostıkalaý jónindegi epıdemııaǵa qarsy sharalar baqylaýǵa alynǵan.
Koronavırýs máseleleri boıynsha Qazaqstan aýmaǵynda 1406 nómiri boıynsha táýlik boıy call-ortalyq jumys isteıdi.
Sonymen qatar, atalǵan reıske kelgenderdiń máseleleri boıynsha Almatyda 8 707 677 71 68, 8 771 404 54 65 nómirleri boıynsha «jedel jeli» jumysy uıymdastyryldy.
