Búgingi tańda «Men – almatylyqpyn» qoǵamdyq birlestigi segiz baǵytta jumys jasaýda: 1). Bilim berý jobalary; 2). Tótenshe jaǵdaılardyń saldaryn joıý jáne zardap shekken aımaqtarǵa gýmmanıtarlyq kómek kórsetý; 3). Sporttyq lıga; 4). Demorganızasııa jumystary; 5). «Iýstýs» zań palatasy; 6). Arnaıy maqsattaǵy kúshterdiń Ardagerler odaǵymen birlesken jumys; 7). Ekologııa máselesi; 8). Jastar qanaty.
Rasynda da, osy baǵattarda aıtýly uıym biraz sharýa tyndyrǵan eken. Máselen, respýblıkamyzdyń birqatar óńirinde (Arys pen Almaty qalalary, Qaraǵandy men Aqtóbe oblystary jáne t.b ), tipten shet memleketterde oryn alǵan tótenshe jaǵdaılardyń saldaryn joıýǵa atsalysyp, gýmmanıtarlyq kómek kórsetti. Qartttar men jetimder úıin óz qamqorlyǵyna aldy. Kembaǵal jandar men turmysy tómen otbasylarǵa kómek kórsetýde.
Bilim berý jobasy boıynsha Nur-Sultan men Almaty qalalarynda 1700-den asa balany jańa tehnologııalar boıynsha aǵylshyn tiline úıretti. Sporttyq saıystar jáne áskerı-patrıottyq sharalardy úzdiksiz uıymdastyryp turady. Osylaısha, halyqtyń densaýlyǵyn nyǵaıtyp, olardy salaýatty ómir saltyna yntalandyrýǵa jáne jas jetkinshekterdi otansúıgishtik rýhta tárbıeleýge barynsha úles qosýda.
Ekologııa máselesi de «Men – almatylyqpyn» qoǵamdyq birlestigi nazarynan tys qalǵan emes. Osy oraıda, eriktiler qalany kóriktendirý, gúldendirý baǵytynda úzdiksiz jumystar júrgizip keledi. Mine, osylaı tizbekteı bersek, aıtýly uıym tarapynan atqarylyp otyrǵan sharýanyń az emestigine anyq kóz jetkizýge bolady.
