Endi О́zbekstandaǵy bas qalalarǵa bara qalsańyz, graffıtımen, ulttyq naqyshta bezendirilgen sýretterdi kórip tańqalmańyz!
Úsh aıdyń ishinde kóshelerde tegin sýretshiler, mýzykanttar, qolónershiler jáne basqa da shyǵarmashylyq qyzmetkerler jumys isteı alatyn arnaıy aımaqtar qurylady. О́zbekstanda graffıtıge arnaıy bólingen jerler de ruqsat etiledi.
О́zbekstan prezıdentiniń «О́zbekstan respýblıkasynda týrıstik qyzmet kórsetýdi damytý jáne ártaraptandyrýdy» mindetteıtin qaýlysynda osyndaı baptar bar.
Endi jańa tártipke sáıkes, barlyq keskinder ulttyq naqyshtan alystap ketpeý kerek. Endi aldaǵy birer aıda týrıstik oryndarǵa aparatyn kósheler bezendirilip, ár aýdanda kem degende bir osyndaı kóshe paıda bolady. Aldaǵy úsh aıda kásipqoı sýretshiler, ánshiler men qolónershilerdiń alańsyz jumys isteýine múmkindik beretin arnaıy aımaqtar jasaqtalady. Arnaıy bólingen aımaqqa kelip jumys isteýge eshqandaı ruhsatnamalyq qujattyń qajeti joq. Tek yqylas bolsa bolǵany.
Mádenıet jáne shyǵarmashylyq salasyndaǵy bilim berý uıymdarynyń stýdentteri týrıstik kóshelerde jumys isteý quqyǵyna ıe bolady. Kóshede graffıtı qurý 2020 jyldyń tamyzyna deıin josparlanyp otyr. Oǵan Qaraqalpaqstannyń Mınıstrler keńesi, oblys jáne Tashkent ákimshiligi, О́zbekstannyń Jastar odaǵy jáne Týrızm boıynsha memlekettik komıtet jaýapty bolady.
