Bas júlde úshin ótken básekede otandasymyz Nıderland ókili Kıkı Bertenspen baq synasty. Eki setke sozylǵan kezdesýde 6:1, 6:3 esebimen Bertenstiń baǵy jandy. Al Elena osymen WTA týrnırindegi úshinshi fınalynyń ekeýinde jeńilis tapty. Bul Rybakına men Bertenstiń korttaǵy ekinshi teketiresi. Byltyr halyqaralyq týrnırdiń jartylaı fınalynda kezdesip, ol kezde de Nıderland sportshysynyń bási bıik bolǵan-dy. Fınaldyq kezdesýge deıin Rybakına álemniń 25-shi, Bertens segizinshi raketkasy bolatyn.
Fınaldyq saıystan keıin 20 jastaǵy otandasymyz álemdik reıtıngte 19-orynǵa kóterildi. Bul – Qazaqstan tennısi tarıhyndaǵy eń joǵary kórsetkish. О́ıtkeni buǵan deıingi eń úzdik nátıjemiz – 25-oryn edi. Bul nátıjege 2012 jyly Iаroslava Shvedova jáne bıyl Elena Rybakına qol jetkizgen-di. Sóıtip Rybakına Qazaqstan tennıs tarıhynyń jańa paraǵyn ashty.
