1955 jyly Máskeý memlekettik ýnıversıtetiniń jýrnalıstıka fakýltetin bitirip, Qazaq memlekettik kórkem ádebıet baspasyna ornalasady. Osy jerde biraz eńbek etken soń respýblıkalyq baspasóz jumysyna bet buryp, «Lenınshil jastyń» (qazirgi «Jas Alash») Ortalyq Qazaqstandaǵy óz tilshisi, «Sosıalıstik Qazaqstanda» ádebı qyzmetker bolady. 1963-1970 jyldary «Lenınshil jas» gazetiniń redaktory qyzmetin atqaryp, 1971-1972 jyldary «Jalyn» jýrnalyn basqardy. 1973 jyldan Qazaqstan Jazýshylar odaǵynyń hatshysy, «Juldyz» jýrnalynyń bas redaktory qyzmetinde bolyp, 1975 jyly Qazaqstan Jazýshylar odaǵy basqarmasynyń ekinshi hatshylyǵyna saılandy. 1980-1989 jyldar «Qazaq ádebıeti» gazetin basqardy.
1989 jylǵy qarashada «Sosıalıstik Qazaqstan» gazetiniń bas redaktorlyǵyna taǵaıyndalyp, munda 1992 jyldyń qazanyna deıin eńbek etti. Sodan keıin biraz jyl «Qazaqstan» teleradıokorporasııasyn basqardy, birneshe ret Qazaqstan Respýblıkasy Parlamenti Májilisiniń depýtaty bolyp saılandy.
Sh.Murtaza – Qazaqstannyń halyq jazýshysy, Memlekettik syılyqtyń laýreaty. Belgili qoǵam qaıratkeri. Onyń qalamynan shyqqan povester men romandardy, áńgimeler men dramalyq shyǵarmalardy oqyrmandar izdep júrip oqıdy.
Sh.Murtaza – egemen elimizdiń kóptegen joǵary nagradasynyń ıegeri. Sonyń ishinde qalamgerdiń óziniń erekshe qurmet tutatyny – «1941-1945 jyldardaǵy eńbektegi erligi úshin» medali men 2002 jyly alǵan «Otan» ordeni.
