Keshe «Nur Otan» HDP Ortalyq apparaty qoǵamdyq qabyldaý bólmesiniń meńgerýshisi Jumajan Júkenov jýrnalıstermen brıfıng ótkizdi.
Keshe «Nur Otan» HDP Ortalyq apparaty qoǵamdyq qabyldaý bólmesiniń meńgerýshisi Jumajan Júkenov jýrnalıstermen brıfıng ótkizdi.
– Búgingi kúni «Nur Otan» partııasynyń qoǵamdyq qabyldaý bólmeleri qoǵamymyzdyń aınymas atrıbýttarynyń birine aınaldy. Ol azamattardyń kókeıkesti máseleleriniń sheshilýine atsalysady, – dedi ol.
Qazaqstan azamattary kóptegen máseleler boıynsha partııanyń qoǵamdyq qabyldaý bólmelerin sońǵy ınstansııaǵa balap baratyny anyq. О́ıtkeni, halyq tek qoǵamdyq qabyldaýlarda ǵana ózderine qajetti kómekti alyp, qoldaý kóretinderine senimdi. Sondyqtan da partııanyń qoǵamdyq qabyldaý bólmelerinde aımaqtardyń birinshi basshylary ǵana emes, memlekettik organdardyń basshylary da qabyldaýlar júrgizedi.
Brıfıngte birneshe mınıstrlikter men vedomstvolar basshylarynyń qabyldaý júrgizý jaıy týraly aqparat berildi. Sonyń ishinde Eńbek jáne halyqty áleýmettik qorǵaý mınıstri T.Dúısenovanyń qabyldaý júrgizgenine toqtaldy. Oǵan Astana qalasy ǵana emes, Almaty, Aqmola, Jambyl, Qaraǵandy oblystarynan da turǵyndar kelgen. Sondyqtan Astanaǵa sabylmas buryn adamdar jergilikti atqarýshy organdarǵa ótinish-tilekterin aıtýlary qajet. Máselen, múgedekterdiń arbasyna qol jetkizý jergilikti jerlerde-aq sheshiletin kórinedi. Degenmen, Eńbek jáne halyqty áleýmettik qorǵaý mınıstrine aıtylǵan ótinishter qaralý jáne oryndalýy úshin baqylaýǵa alynypty.
Jumajan Júkenov, sondaı-aq, shilde aıynda bolǵan qabyldaýlarǵa da toqtaldy. О́tken aıda Bas prokýratýra, Ádilet, Qarjy, Densaýlyq saqtaý, Tótenshe jaǵdaılar mınıstrlikteriniń jáne Ulttyq ǵarysh agenttigi men Tabıǵı monopolııalardy retteý agenttiginiń basshylary 44 adamdy qabyldapty. Olarǵa elimizdiń on aımaǵynan turǵyndar kelgen eken. J.Júkenov sheshilgen máselelerge qatysty mysal retinde Qaraǵandy oblysy, Jańaarqa aýdanynyń turǵyny M.Tutqyshevanyń balasyna Astanadaǵy «Ana men bala» saýyqtyrý ortalyǵyna emdelý boıynsha kvota berilgenin keltirdi.
Jasalǵan saraptarǵa qaraǵanda, qoǵamdyq qabyldaý bólmeleriniń jumysy halyqqa óte paıdaly jáne tıimdi ekendigi kórinip tur. Kóptegen jyldar boıy qordalanǵan problemalaryn sheshe almaǵan talaı adamdar osynda kelip, ózderiniń máselesin sheshýge qol jetkizedi. Sondyqtan qoǵamdyq qabyldaý bólmeleri azamattardyń ártúrli máselelerin sheshý men naqty kómek kórsetýdiń mańyzdy tetigi bolyp tabylady.
Jalpy, ústimizdegi jyldyń qańtar-shilde aılarynda partııanyń qoǵamdyq qabyldaý bólmelerine 2 myńnan astam adam kelip, ózderiniń aryz-shaǵymdaryn aıtqan. Sonyń 17 paıyzy laýazymdy tulǵalardyń zańsyz is-áreketi, 13 paıyzy sot sheshimderimen kelispeý, 10 paıyzy baspanamen qamtamasyz etýge baılanysty máseleler eken. Qoǵamdyq qabyldaýlardy laýazymdy tulǵalar ǵana emes, barlyq deńgeıdegi depýtattar da júrgizedi. Mysaly, osy jyldyń alǵashqy jartysynda halyq qalaýlylary 336 ret qabyldaý júrgizip, 1060 adamdy qabyldapty. Sondaı-aq, partııa fılıaldarynyń qoǵamdyq bólmeleriniń qyzmetkerleri jergilikti atqarýshy organdar ókilderimen birlesip, azamattardyń máselelerin sheshý maqsatynda alys eldi mekenderge shyǵyp, 129 kóshpeli qabyldaý ótkizgen. Oǵan barlyǵy 1911 adam qatysqan. Al kóshpeli qabyldaý kezinde 408 ótinish qaralyp, onyń 295-i oń sheshimin tapqan.
Brıfıngte 14 tamyzda – О́ńirlik damý mınıstrligi, 21 tamyzda – Aýyl sharýashylyǵy mınıstri A.Mamytbekov, 28 tamyzda – Bilim jáne ǵylym mınıstrligi qoǵamdyq qabyldaý ótkizetindigi aıtyldy.
Jaqsybaı SAMRAT,
«Egemen Qazaqstan».
