Úsh kúndik oqý-jattyǵý jıyny barysynda Atyraý, Aqtaý jáne Aqtóbe garnızondarynyń tárbıeshi ofıserlerimen birge tárbıe jáne ıdeologııalyq jumysty uıymdastyrýdaǵy ádistemelik sheberlikti arttyrý maqsatynda túrli formattaǵy ótkizildi. Jeke quramnyń moraldyq-psıhologııalyq jaǵdaıyn jaqsartýǵa jas býynnyń qazirgi zamanǵy tendensııalaryn eskere otyryp, ártúrli ınnovasııalyq ıdeıalardy júzege asyrýǵa erekshe kóńil bólindi.
-Jyl saıyn elimizdiń shet-shetinen myńdaǵan jas Otan qorǵaýshylary shaqyrylady, áskerı oqý oryndaryn jas ofıserler támamdap áskerı bólimderge keledi, sonymen qosa er azamattar men áıelder kelisimshart boıynsha qyzmet etýge bel býady. Áskerı bólimderde biz olardyń barlyǵyna qyzmet etýge qolaıly jaǵdaı jasaýǵa udaıy tyrysyp otyramyz. Alaıda, jas býynnyń túrli jaǵdaılar men qubylystarǵa, ómirlik qundylyqtaryna degen kózqarastary burynǵy jyldardaǵydaı emes. Búgingi tańda olarǵa erekshe nazar bólip, motıvasııa berip, kúndelikti oqý prosesin barynsha ońtaıly etý qajet. Sondyqtan osyndaı jıyndar barysynda biz barlyq dárejedegi komandırlerge kedergi bolyp, qıyndyq týǵyzatyn jaǵdaılardy anyqtaýǵa tyrysamyz. Sol sebepti jıynnyń basty maqsaty, ol qyzmettegi komandırlerdiń óz jeke quramynyń jaýyngerlik rýhynyń joǵary ekendigine kúmán týǵyzbaý, kúndelikti qyzmetti basqarýda ortaq túsinikke qol jetkize alý, deıdi «Batys» óńirlik qolbasshylyǵy komandıriniń tárbıe jáne ıdeologııalyq jumystary jónindegi orynbasary polkovnık Serik Seıtbaev.
Oqý-jattyǵý jıyny barysynda tárbıeshi ofıserler jeke qurammen psıhologııalyq testileýdi ás júzinde durys ótkizý, anonımdik saýalnamany durys qurastyrý, normatıvtik qujattdy qoldana otyra, bólimshedegi quqyqtyq jumysty uıymdastyrý boıynsha dárister aldy.
Búgingi kúni, tárbıeshi ofıserler bólimniń aqparattyq-aǵartý jumystaryn, áskerı tártipti jáne tártipti saqtaý, mádenı jáne bos ýaqytty uıymdastyrý, sondaı-aq teris ıdeologııalyq áserge qarsy turý turý boıynsha mańyzdy jumystardy atqaryp kelýde.
