1964-1968 jyldary respýblıka Mádenıet mınıstrliginde repertýarlyq-redaksııalyq kollegııa múshesi, 1970-1975 jyldary «Qazaqfılm» kınostýdııasynda bas redaktor qyzmetin atqardy.
1975-1984 jyldar aralyǵynda Qazaqstan Kompartııasy Ortalyq Komıtetiniń mádenıet bóliminde nusqaýshy, sektor meńgerýshisi, 1984-1986 jyldary respýblıka Mádenıet mınıstriniń orynbasary boldy. 1986-1988 jyldary Qazaqstan Jazýshylar odaǵy basqarmasynyń ekinshi hatshysy, al 1988-1990 jyldary Qazaq KSR Tarıhı jáne mádenı eskertkishterdi qorǵaý ortalyq keńesi prezıdıýmynyń tóraǵasy qyzmetterin atqardy.
Á.Kekilbaıuly 1990 jyly respýblıka Joǵarǵy Keńesiniń depýtattyǵyna saılanyp, osyndaǵy Mádenıet, til jáne ultaralyq qatynastardy damytý komıtetiniń tóraǵasy boldy. Al 1992-1993 jyldary «Egemen Qazaqstan» gazetiniń bas redaktory qyzmetin atqardy. Osydan soń 1994-1995 jyldary Qazaqstan Respýblıkasy Joǵarǵy Keńesiniń tóraǵasy, 1996-2002 jyldary Qazaqstan Respýblıkasynyń Memlekettik hatshysy boldy. 2002 jyldyń aqpanynan Qazaqstan Respýblıkasy Parlamenti Senatynyń depýtaty.
Ábish Kekilbaıuly – kórnekti qoǵam jáne memleket qaıratkeri. Qazaqstannyń halyq jazýshysy, ol Memlekettik syılyqtyń, Qazaqstan Respýblıkasy Prezıdentiniń
«Beıbitshilik jáne rýhanı kelisim» syılyǵynyń laýreaty. «Otan», Qurmet Belgisi ordenderimen marapattalǵan.
