Turǵyndardy qala tirshiliginiń beıjaı qaldyrmaıtynyn suraqtardyń tolassyz qoıylýynan baıqaýǵa bolady. Qala basshysy barlyq saýalǵa jaýap bere otyryp, aýdan ákimderine tapsyrma berip otyrdy. Áleýmettik salany qamtıtyn suraqtar qatarynda qalamyzǵa jańa qosylǵan Naýryzbaı aýdanynda halyq sanynyń artýyna baılanysty balalarǵa arnalǵan Oqýshylar úıiniń joqtyǵy aıtyldy.
Qala ákimi atalǵan aýdanda bıyl jańa úlgidegi Oqýshylar úıi salynatyn jer belgilenip, joba jasalǵanyn aıtyp ótti. Oqýshylar úıi bıyl qurylys jumysyn bastaıtyn bolady.
Shahar basshysy, sondaı-aq, bıyl shaharymyzdaǵy negizi 1983 jyly qalanǵan Respýblıkalyq Oqýshylar saraıy kúrdeli jóndeýden ótetinin aıtyp ótti. Oqýshylar saraıyn jóndeýden ótkizgende turǵyndarmen aqyldasa otyryp, qandaı úıirmeler ashylyp, qandaı qural-jabdyqtarmen qamtylatyny sheshiletin bolady.
