Sýretti túsirgen: Marat JÚNISBEKOV
Osy aıtýly oqıǵa qarsańynda BUU Almatydaǵy keńsesinde Qazaqstanda tirkelgen BUU agenttikteriniń basshylary men buqaralyq aqparat quraldarynyń ókilderi bas qosty. Jýrnalıster BUU-nyń Qazaqstandaǵy agenttikteriniń bıylǵy josparymen tanysty.
Qazaqstan Respýblıkasynyń Syrtqy ister mınıstrliginiń Almaty qalasyndaǵy О́kildiginiń basshysy Erlan Ysqaqov, Qazaqstandyq Medıa Alıansynyń tóraǵasy Armanjan Baıtasov, BUU-nyń Qazaqstandaǵy jahandyq kommýnıkasııalar departamentiniń ókili Vlastımıl Samek, IýNESKO-nyń Qazaqstandaǵy klasterlik bıýrosynyń dırektory Krısta Pıkkat sóz alǵan atalmysh shara ara BUU 75 jyldyǵy men BUU-nyń Qazaqstandaǵy birinshi О́kildiginiń keńsesiniń resmı ashylǵan – 1993 jyldyń 17 aqpanyna sáıkes keldi.
Al Vlastımıl Samek BUU-nyń 75 jyldyǵyn merekeleý eki basymdyqqa – sıfrlandyrý men jastardy tartýǵa arnalǵanyn aıta kele: «О́zderińiz bilesizder, Qazaqstan sıfrlandyrý salasyndaǵy jetekshi elderdiń biri bolyp tabylady jáne aımaqtaǵy elder men halyqaralyq kompanııalardyń ókiletti ókilderin tarta otyryp, aýqymdy is-sharalardy atqaryp otyr. Osy jyldyń qańtar aıynyń sońynda ótkizilgen sharalardyń birine BUU Bas hatshysynyń orynbasary Fabrısıo Hohshıld ta qatysty. Jastardy tartý taqyryby el úkimetiniń kún tártibinde de ózekti, máselen 2019 jyl – «Jastar jyly», al bıylǵy jyl – «Eriktiler jyly» dep jarııalandy. Qazaqstan BUU agenttikteriniń jumysyna belsendi qatysady jáne eleýli úles qosyp otyr. Uıymnyń aımaqtyq uıymdarmen dıalog alańdarynyń ózara is-qımylynyń damýyna yqpal etedi jáne BUU-nyń negizgi baǵdarlamalyq qujattaryn júıeli túrde júzege asyrady» dedi.
