Halyq saılaýdy jaqsy qabyldady

Keshe Memleket basshysy, «Nur Otan» halyqtyq-demokratııalyq partııasynyń Tóraǵasy Nursultan Nazarbaev partııa Tóraǵasynyń birinshi orynbasary Baýyrjan Baıbekti qabyldady, dep habarlady Prezıdenttiń baspasóz qyzmeti.

Keshe Memleket basshysy, «Nur Otan» halyqtyq-demokratııalyq partııasynyń Tóraǵasy Nursultan Nazarbaev partııa Tóraǵasynyń birinshi orynbasary Baýyrjan Baıbekti qabyldady, dep habarlady Prezıdenttiń baspasóz qyzmeti.

Kezdesý barysynda B.Baıbek partııanyń «Qazaqstan-2050» Strategııasyn túsindirý jáne iske asyrý jónindegi jumysy, «Nur Otan» HDP XV sezine daıyndyq barysy jáne Saıası doktrına jobasyn ázirleýdiń aıaqtalǵany týraly baıandady.

Partııa Tóraǵasynyń birin­shi oryn­basary «Nur Otan» HDP bas­tamasy boıynsha Demokratııalyq kúshterdiń jalpyulttyq koalı­sııa­synyń otyrysy ótkenine toq­taldy. Onyń qorytyndysynda jetekshi saıası partııalar men qoǵamdyq birlestikter elimizde júrgizilgen jergilikti ózin-ózi bas­qarý jáne ákimshilendirý júıesi reformalaryna qoldaý bildirdi.

– Jalpyulttyq koalısııanyń otyrysy barysynda biz barlyq partııalarmen saılaýdyń ashyqtyǵy jáne zańdylyǵy týraly monıtorıng jasaý, olarǵa jergilikti mańyzdylyǵy sebebine baılanysty partııalyq turǵydan basymdyq berilmeıtini jónindegi ýaǵdalastyqqa qol jetkizdik. Jalpy, aıtarlyqtaı tártip buzýshylyqtar tirkelgen joq, halyq saılaýdy jaqsy qabyldady, – dedi B.Baıbek.

«Nur Otan» HDP Tóraǵasynyń birinshi orynbasary partııa jumysynyń negizgi pishini jańar­tyl­ǵany týraly da habardar etti.

– Sizdiń tapsyrmańyz boıynsha «Nur Otan» HDP qoǵamdyq qabyldaýynda mınıstrler men depýtattar ortalyqta jáne jergilikti jerlerde azamat­tar­ǵa jeke qabyldaýlar júr­giz­di. Birinshi jartyjyldyq qory­tyn­dysy nátıjesinde qoǵamdyq qabyldaýdaǵy ótinishter sany ót­ken jyldyń osy kezeńimen salys­tyrǵanda 75%-ǵa artty, bul azamat­tar tarapynan senim arta tús­keniniń dáleli, – dedi B.Baıbek.

Partııa Tóraǵasynyń birin­shi orynbasary partııalyq qurylym «júktemesi» boıynsha halyq aldynda olardyń tıim­diligin, shynaıylyǵyn jáne jaýap­kershiligin arttyrýǵa baǵyt­talǵan tapsyrmalardyń oryndalýy týraly da baıandap berdi. Atap aıtqanda, «Nur Otan» HDP Joǵary partııa mektebi Saıa­sı menedjment mektebi bolyp qaı­ta quryldy. Onyń bazasynda 200 myńnan astam partııa múshe­sin biriktiretin bastaýysh partııa uıymdarynyń basshylary oqy­tyldy.

Kezdesý qorytyndysynda Mem­leket basshysy partııa aldyna qoıylǵan mindetterdi odan ári iske asyrý jóninde birqatar naqty tapsyrmalar berdi.