Sýretti túsirgen: Marat JÚNISBEKOV (Marabeey)
Oraıy kelip turǵanda, BUU-nyń Almatydaǵy keńsesi qaýipsizdiktiń álemdik standarttaryna jaýap beretin biregeı ǵımarat ekenin aıta ketken jón.
Osy ǵımaratta Qazaqstan Respýblıkasynyń Syrtqy ister mınıstrliginiń Almaty qalasyndaǵy О́kildiginiń basshysy Erlan Ysqaqov, Qazaqstandyq Medıa Alıansynyń tóraǵasy Armanjan Baıtasov, BUU-nyń Qazaqstandaǵy jahandyq kommýnıkasııalar departamentiniń ókili Vlastımıl Samek, IýNESKO-nyń Qazaqstandaǵy klasterlik bıýrosynyń dırektory Krısta Pıkkat 30 shaqty jýrnalıspen kezdesti.
Erlan Ysqaqov Qazaqstan kóptegen halyqaralyq uıymdardyń ishinde BUU-nyń belsendi múshesi bolyp tabylatyndyǵyn jáne bizdiń memleket halyqaralyq qaýymdastyqqa sátti kirigip, laıyqty ornyn alatynyn tilge tıek etti. BUU keńsesinde BUU júıesinde aımaqtyq ókilettikteri bar 30-dan astam agenttiktiń 16-sy Qazaqstanda ornalasqan.
Qazaqstandyq Medıa Alıansynyń Tóraǵasy Armanjan Baıtasov óz sózinde syrtqy saıasattyń kún tártibinde Qazaqstan resıpıent el pozısııasynan aımaqtyq damýdaǵy seriktes pozısııasyna birtindep aýysyp kele jatqanyna nazar aýdardy. Osyǵan baılanysty Almatyda BUU Aımaqtyq Habyn qurý strategııalyq basymdyqtardyń biri bolyp tabylady. Bul qadam Qazaqstanǵa aımaqtyq damýdy, qaýipsizdik pen turaqtylyqty qamtamasyz etýge qosymsha úles qosýǵa múmkindik beredi.
Krısta Pıkkat hanym bilim berý, ǵylym jáne tehnologııalar, áleýmettik men gýmanıtarlyq ǵylymdar, mádenıet, baılanys, aqparat jáne ınformatıka sııaqty yntymaqtastyqtyń negizgi baǵyttaryn aıqyndaıtyn Qazaqstandaǵy IýNESKO qyzmeti týraly atady.
«Bıyl IýNESKO-nyń aıshyqty sharalarynyń qataryna Ábý Nasyr Ál-Farabıdiń 1150 jyldyǵy, Shymkent qalasynyń 2200 jyldyǵy men Abaı Qunanbaıulynyń 175 jyldyǵy enip, jáne onyń jarııalanymdaryn 2020 jylǵa arnalǵan halyqaralyq kúntizbege engizý týraly qarar qabyldandy. Osy aıtýly datalar IýNESKO arnalaryn qoldana otyryp, ataýly oqıǵalardy shettilderindegi basylymdarda halyqaralyq deńgeıde nasıhattaý qarastyrylǵan», dedi Krısta Pıkkat. Osyǵan oraı, ústimizdegi jyldyń qyrkúıeginde IýNESKO Bas hatshysy Odre Azýleniń Qazaqstanǵa sapary josparlanǵan.
Jalpy, kezdesý suraqtar men jaýaptar túrinde órbidi. Jáne BUU-nyń 75 jyldyǵyna arnalǵan barlyq is-sharalardy qazaqstandyq buqaralyq aqparat quraldarynda nasıhattaý máselesi sóz boldy.
BUU qazirgi Bas hatshysy – Antonıý Gýterrısh 2017 jyldyń 1 qańtarynyna beri osy qyzmetti atqaryp keledi.
Almaty
