Sońǵy jyldary súıek isigi kezinde joǵary mólsherli hımıoterapııa engizý arqyly basqa organdardyń metastazdanýy tómendep, naýqastardyń ómiri uzardy. Bul kóp jaǵdaıda (90%-dan astam) zaqymdanǵan aıaqtardy saqtaýǵa múmkindik berdi. Iаǵnı, osy atalǵan patologııasy bar balalardyń keıbir asqynǵan jaǵdaılardy qospaǵanda, aıaq-qoldaryn is júzinde kespeıdi.
Al osteosarkomamen emdeýdiń jańa ádisterin engizý tıimdiliktiń álemdik nátıjelerine jaqyndaýǵa múmkindik berip otyr.
«Pedıatrııa jáne balalar hırýrgııasy ǵylymı ortalyǵynda balalar men jasóspirimderdiń súıek sarkomasy kezinde endoprotezderdi qoldaný arqyly aıaq-qoldardy saqtap qalý úshin 2012 jyldan beri ota jasalady. Ortalyqtyń zamanaýı modýldik endoprotezderdi satyp alý múmkindiginiń jáne qarqyndy joǵary mólsherli hımıoterapııany qoldanýdyń nátıjesinde organsaqtaýshy otalardy jasaýdyń múmkindigi artty, sondaı-aq balalardaǵy osteosarkomany biriktirip emdeý nátıjeleri de jaqsardy. Atap aıtqanda, onkologııalyq endoprotezder ortopedııalyq protezderge uqsas emes, erekshe megaprotezder bolyp tabylady. Qazirgi tańda hırýrgııalyq emdeýdiń osy túri osteosarkomaǵa shaldyqqan balalardyń 90%-dan astamyna jasalady. Bul óz kezeginde balanyń áleýmettik beıimdelýi men onyń ómir súrý sapasynyń jaqsarýyna múmkindik beredi», deıdi kúrdeli otany jasaıtyn onkohırýrg, balalar onkologııasy bólimshesiniń meńgerýshisi, joǵary sanatty dáriger Bahram Jumadillaev.
Aıaq-qoldy saqtaı otyryp emdeý aıaqtalǵannan keıin jalpy saýyǵyp ketý jaǵdaıy elimizde 70%-dy quraıdy. Bul osteosarkomany zertteý jónindegi halyqaralyq mýltıortalyqtar nátıjesiniń derekterine sáıkes keledi.
Cońǵy 5 jyl ishinde Pedıatrııa jáne balalar hırýrgııasy ǵylymı ortalyǵynda iri býyndardy endoprotezdeı otyryp (tize, ıyq, jambas), osteosarkomasy kezinde 45 organ saqtaý otasy jasaldy. Biregeı operasııalardyń nátıjesinde balalardyń aıaq-qoldary saqtalyp qana qoımaı, olardyń ómir súrý sapasy da jaqsardy. Búginde olar ózderiniń qurby-qurdastarymen birge mektepke baryp, ýnıversıtette oqyp, túrli qyzmette jumys isteıdi. Tipti sportpen aınalysyp, jattyǵý zaldaryna, basseınderge baryp, el qatarly ómir súredi.
ALMATY
