Jaldanatyn azamattarǵa qoıylatyn talaptar: 18 jastan asqan Qazaqstan Respýblıkasynyń azamaty, bastamashyl, jaýapty, tez til tabysatyn bolýy qajet. Jumys ótili men kásibı bilimine talaptar qoıylmaıdy, planshetpen jumys isteı bilýi kerek.
- Sanaq personalymen óteýli qyzmet kórsetý sharttary jasalady. Tolyq kólemde 30 kúnge qyzmet kórsetilgen kezde daıyndyq kezeńiniń ıntervıýerine (tirkeýshige) kórsetilgen qyzmetteri úshin 75743 teńge tóleý josparlanǵan. Al tolyq kólemde 30 kúnge qyzmet kórsetilgen kezde negizgi kezeń ıntervıýerine (sanaqtan ótkizýshige) kórsetilgen qyzmetteri úshin 94678 teńge, tolyq kólemde 45 kúnge qyzmet kórsetilgen kezde daıyndyq jáne negizgi kezeńderdiń nusqaýshy-baqylaýshysyna kórsetilgen qyzmetteri úshin 113614 teńge tóleý josparlanǵan, - dedi Mańǵystaý oblysy «Qoǵamdyq Kommýnıkasııa Qyzmeti» alańynda ótken brıfıng barysynda Qazaqstan Respýblıkasy Ulttyq ekonomıka mınıstrligi Statıstıka komıtetiniń tóraǵasy Nurbolat Aıdapkelov.
