Basylym basshylary • 20 Aqpan, 2020

Basylym basshylary - Erjuman SMAIYL (1948-2018)

911 ret

kórsetildi

1 mın

oqý úshin

Erjuman Smaıyl Almaty oblysynyń Talǵar aýdanyna qarasty Týǵanbaı aýylynda ómirge kelgen. Ákesi Smaıyl emshilikti kásip etken, anasy Kúlásh qatardaǵy sharýa adamy bolǵan. 1965 jyly ol Talǵardaǵy S.Seıfýllın atyndaǵy №2 orta mektepti bitirgen soń, óziniń týǵan aýylynda klýb meńgerýshisi, shopan bolyp eńbek etedi. 1967-1970 jyldary Keńes armııasy qataryna shaqyrylyp, Soltústik flotyndaǵy súńgýir qaıyqta áskerı boryshyn óteıdi. 1971 jyly Qazaq memlekettik ýnıversıtetiniń jýrnalıstıka fakýltetine oqýǵa kelip túsip, ony qyzyl dıplommen bitirip shyqqan soń osy oqý ornynyń assıstenti bolyp jumys isteıdi.

Egemen Qazaqstan

Basylym basshylary - Erjuman SMAIYL (1948-2018)

E.Smaıyl 1977 jyly «Sosıalıstik Qazaqstan» («Egemen Qazaqstan») gazetine qyzmetke shaqyrylady. Osy jerde eki jyldaı eńbek etip, respýblıkalyq jastar gazeti «Lenınshil jasqa» (qazirgi «Jas Alash») redaktordyń orynbasary bolyp aýysady. Bul qyzmette ol segiz jyl istep, mol tájirıbe jınaqtaıdy.

1987 jyly qaıtadan «Sosıalıstik Qazaqstanǵa» shaqyrylady. Alǵash bólim meńgerýshisi bolady, sodan keıin redaktordyń orynbasarlyǵyna joǵarylatylady. 1990-1998 jyldary osy gazet bas redaktorynyń birinshi orynbasary, al 1998-2000 jyldary bas redaktory bolyp istedi. 2003 jyldyń qyrkúıeginen 2004 jyldyń shildesine deıin «Egemen Qazaqstan» respýblıkalyq gazeti” ashyq aksıonerlik qoǵamynyń prezıdenti qyzmetin atqardy.

E.Smaıyl – Prezıdent syılyǵynyń, Baýbek Bulqyshev atyndaǵy syılyqtyń laýreaty.