Basylym basshylary • 20 Aqpan, 2020

Basylym basshylary - Saýytbek ABDRAHMANOV (1951)

1424 ret

kórsetildi

1 mın

oqý úshin

Saýytbek Abdrahmanov Ońtústik Qazaqstan oblysynyń Qazyǵurt aýdanynda ómirge kelgen. Burynǵy Keles aýdanyndaǵy S.Seıfýllın atyndaǵy orta mektepti bitirip shyqqan soń 1970-1975 jyldarda Qazaq memlekettik ýnıversıtetiniń jýrnalıstıka fakýltetinde oqydy. Ýnıversıtetti bitirgen jyly «Sosıalıstik Qazaqstan» gazetine jumysqa shaqyryldy. Osy jerde jumys istegen 12 jyl ishinde tilshi, bólim meńgerýshisi, redaksııalyq alqanyń múshesi qyzmetterin atqardy. Odan keıingi kezeńde Qazaqstan Kompartııasy Ortalyq Komıtetinde nusqaýshy, sektor meńgerýshisi, Qazaqstan Respýblıkasy Prezıdentiniń, Mınıstrler Kabınetiniń apparattarynda aǵa referent, bólim meńgerýshisiniń orynbasary, birinshi orynbasary boldy.

Egemen Qazaqstan

Basylym basshylary - Saýytbek ABDRAHMANOV (1951)

1995-1997 jyldary Mádenıet mınıstriniń birinshi orynbasary, al 1997-2000 jyldary «Qazaqstan teledıdary men radıosy» respýblıkalyq korporasııasynyń birinshi vıse-prezıdenti qyzmetterin atqardy.

2000 jyldyń jeltoqsanynda Respýblıka Úkimeti «Egemen Qazaqstan» respýblıkalyq gazeti» ashyq aksıonerlik qoǵamyn qurý jóninde sheshim qabyldady, qoǵamnyń prezıdenti bolyp S.Abdrahmanov taǵaıyndaldy. 2003-2004 jyldarda Qazaqstan Respýblıkasynyń Aqparat mınıstri qyzmetin atqardy. 2004 jyldan 2016 jylǵa deıin «Egemen Qazaqstan» respýblıkalyq gazeti» aksıonerlik qoǵamynyń prezıdenti bolyp qyzmet istedi.

S.Abdrahmanov – Prezıdent syılyǵynyń laýreaty. Qazaqstan Respýblıkasynyń eńbek sińirgen qyzmetkeri. Fılologııa ǵylymdarynyń doktory. Qazaqstan Jýrnalıstıka akademııasynyń akademıgi.