Is-sharany Almaty qalasy Iskerı áıelder keńesi Almaty qalasy Kásipkerler palatasynyń qoldaýymen uıymdastyryp otyr. Forýmnyń bas seriktesi – «Qazaqstan Halyq banki» AQ. Qazaqstan Baspasóz klýby aqparattyq jáne uıymdastyrý turǵysynan qoldaý kórsetti.
Forým bıznes, áıelder kásipkerligi jáne áleýmettik máselelerge arnalǵan naǵyz dıalog alańyn qurý maqsatynda ekinshi ret ótkizilip otyr.
Forým jumysyna ekonomıkanyń naqty sektorynan 300-den asa kásipker-áıel, sondaı-aq, tájirıbeli sarapshylar qatysyp, áıelder kásipkerliginde kezdesetin máselelerdi sheshýge arnalǵan óz tásildemelerimen bólisti.
Forýmdy Almaty qalasy ákimi Baqytjan Saǵyntaev ashyp, ol áıelder kásipkerligin damytý salasyndaǵy jobalar jaıynda aqparat berdi.
Forým aıasynda bıznes-ortany damytý, áıelerdi oqytý jáne olardyń bıznesin qarjylandyrýǵa arnalǵan qoljetimdi baǵdarlamalar, ekonomıkalyq saıasat, jeńil ónerkásip pen qalanyń kreatıvtik ındýstrııasyn, qala ınfraqurylymyn damytý, salyq tóleý jáne kásipkerlerdiń jekebas tıimdiligin kóterý syndy kókeıtesti máseleler talqylanyp otyr.
«Áıelder bıznesin qoldaýǵa arnalǵan quraldar» taqyrybyndaǵy paneldik pikirtalasqa «Qazaqstan Halyq banki» AQ basqarma tóraıymy Úmit Shaıahmetova, «Turǵyn úı qurylys jınaq banki» AQ basqarma tóraıymy Lázzat Ibragımova, sondaı-aq, «Damý» Kásipkerlikti damytý qory» AQ jáne Eýropalyq qaıta qurý jáne damý bankiniń ókilderi qatysty.
«Fashion ındýstrııa kreatıvtik ekonomıkanyń qozǵaltqyshy retinde» dep atalatyn sessııa kezinde dızaın-ónimniń el ekonomıkasyna qosatyn úlesi jalpy ishki ónimdegi paıyz kórsetkishi arqyly emes, osy dızan-ónim arqasynda qalyptasatyn jańa mádenı paradıgma deńgeıimen, sondaı-aq qazaqstandyqtar arasynda jáne shetelde el ımıdjiniń kóterilýimen baǵalanýy tıis degen ıdeıa aıtyldy.
Forýmda Aınur Turysbek (Ainur Turisbek), Janel Bertaeva (Lenazh), Quralaı Nurqadılova (KURALAI sán úıi), Ásel Ádil (Adili), Olga Kım (Brosh) syndy elimizdegi kreatıvtik ekonomıkanyń damýyna kúndelikti úles qosyp otyrǵan belgili áıelder sóz aldy.
Sonymen qatar Forým alańynda bıznes tıimdiligin kóterý, sonyń ishinde, áıelder bıznesine arnalǵan Agile-tuǵyr, jekebas transformasııasynyń bıznes tabysyna yqpaly, salyq zańnamasyndaǵy basty ózgerister syndy taqyryptarǵa arnalǵan sheberlik sabaqtary men praktıkýmdar ótedi.
