Sotırıý Kıpr astanasy Nıkosııa qalasynyń «Olımpıakos» komandasynyń túlegi. Ol dál osy klýb sapynda óz mansabyn bastap, artynsha ishki chempıonattyń kóshbasshysy, elorda jankúıerlerine jaqsy tanys APOEL sapyna aýysady.
Bir aıta ketetin jáıt, Pıeros Kıpr chempıony sapynda «Astanaǵa» qarsy úsh kezdesýde alańǵa shyqqan. Alaıda nátıjeli oıynymen kózge túsken joq. Degenmen, ol EÝRO-2020 irikteý kezeńi aıasynda ótken Qazaqstan jáne Kıpr quramalary arasyndaǵy eki kezdesýde de gol soqqan. Sotırıý APOEL sapynan keıin, Danııa chempıonatynyń kóshbasshysy «Kopengagen» fýtbol klýbynyń qataryn tolyqtyrdy.
27 jastaǵy shabýylshy tórt márte Kıpr chempıonatynda top jarsa, bir márte Danııa chempıony atanǵan. Pıeros ÝEFA aıasyndaǵy 60 kezdesýde alańǵa shyǵyp, 13 gol soqqan tájirıbeli oıynshy. Sondaı-aq, Kıpr quramasy sapynda ótkizgen 40 kezdesýde 10 gol soqqan.
Sotırıý men «Astana» arasyndaǵy kelisimshart merzimi 3 jyl.
