Aımaqtar • 21 Aqpan, 2020

О́tinishter partııa nazarynda

13 ret kórsetildi

Nur Otan partııasy Tóraǵasy­nyń birinshi orynbasary Baýyr­jan Baıbek Pavlodar obly­synda bolǵan jumys saparyn­da Ekibastuz qalasyndaǵy ózekti máselelermen tanysty.

Atap aıtsaq, óńir ákimimen birge erekshe qamqorlyqty qajet etetin 138 bala tárbıelenip jatqan «Altynaı» arnaıy balalar úıiniń ǵımaratyn kórdi. Sońǵy ret munda kúrdeli jóndeý jumystary osydan 10 jyl buryn jasalǵan eken. Ǵımarattyń shatyry, qasbeti jáne jylý júıesi qazir apatty jaǵdaıda.

Ata-analarmen bolǵan kezdesýde partııa Tóraǵasynyń birinshi oryn­ba­sary balalardy qoldaý men quqy­ǵyn qorǵaý Nur Otan-nyń negizgi ju­mys­tarynyń biri ekenine toqtalyp, osy máseleni sheshý úshin barlyq is-sha­ra­­lardyń qabyldanatynyn atap ótti.

Odan ári B.Baıbek Ekibastuzdaǵy Nur Otan-nyń qoǵamdyq qabyldaýynda bolyp, azamattardyń muń-muqtajyn tyńdady. Qaralǵan máselelerdiń ishinen ol qudyqtyń aýyz sýyn paıdalanyp júrgen Saryqamys aýylynyń 450 turǵynynyń ótini­shin partııalyq baqylaýǵa aldy. Jer­gilikti bıliktiń aqparaty boıyn­sha, ortalyqtandyrylǵan sýmen qam­tamasyz etýdi júrgizý jumystary jyl sońyna deıin aıaqtalady.

Sondaı-aq partııa Tóraǵasynyń birinshi orynbasary áleýmettik jáne eńbek quqyǵy salasyndaǵy zańnamany jetildirý jónindegi máse­leler men usynystardy talqylaý úshin Ekibastuzdaǵy GRES – 1 jumys­shylary jáne óńirdegi taý-ken óndirisi ká­sipodaqtarynyń ókilderimen júz­desti.

Sol kúni B.Baıbek Pav­lodar qalasynyń belsendi turǵyn­darymen birneshe kezdesý ótkizdi. Zııaly qaýym, úkimettik emes uıym­dardyń ókilderimen birge ekologııa, eńbek mıgrasııasy, sybaılas jemqorlyq, t.b. salalardaǵy óńirdiń ózekti máseleleri talqylandy. Partııa Tóraǵasynyń bi­rinshi orynbasary ár máselege baılanysty, onyń ishinde zańnamalyq deń­geıde de Nur Otan-nyń júıeli túrde aınalysatynyna erekshe toqtaldy.

Elbasynyń tapsyrmasy boıynsha, Nur Otan partııasynyń birneshe aı­dan beri Úkimetpen jáne óńirlik fı­lıaldarymen birge aldaǵy 5 jyl­ǵa arnalǵan aýdandar, qalalar men oblystardy damytýdyń jańa baǵdar­lamasyn daıyndaý jóninde jumys istep jatqanyn atap ótken lázim. Onda árbir jeke aýdandaǵy jergilikti erekshelikter eskerilip, azamattardyń naqty qajettiligi kórinis tabatyn bolady.

Bul jumystyń sheńberinde Nur Otan partııasynyń basshylyǵy bar­lyq eldi mekenderdi, onyń ishinde shal­ǵaıdaǵy aýdandar men aýyldardy da qamtý úshin elimizdiń barlyq óńir­lerin aralap shyǵýdy josparlap otyr.

Pavlodar oblysyna sapar barysy kezinde B.Baıbek 16 kóppá­terli úıdiń 800-ge jýyq turǵyny ortalyqtandyrylǵan jylýsyz qalǵan Novochernoıarka aýylynyń adamdarymen kezdesti. О́ńir basshylyǵynyń aıtýynsha, bıyl aýylda bes áleýmettik nysandy da, jaqyn jerdegi mektep, balalarbaqshasy men dárigerlik emhanany da jylýmen qamtamasyz etetin qazandyq salynady.

 

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar